ތާށިވުމާ ގުޅިގެން މި ހަފްތާގައި އޮސްޓްރޭލިއާގައި ގާތްގަނޑަކަށް 200 ވެލް މަރުވެފައިވާކަމަށާއި ދިރިތިބީ ގާތްގަޑަކަށް 35 ވޭލް ކަމަށް ސަލާމަތީ ޓީމުތަކުން ބުނެފި އެވެ.
ޕައިލެޓް ވޭލްތަކެއް ތާށިވެފައިކަން ރިޕޯޓްކޮށްފައިވަނީ ބުދަ ދުވަހު ޓެސްމަނިއާގެ އައްސޭރިފަށުގައި ހުންނަ ގޮނޑުދޮށަކުންނެވެ. މީގެ ތެރެއިން ގާތްގަޑަކަށް 200 އަޑްވުރެ ގިނަ ވޭލް މަރުވެފައިވާ ކަމަށް ރިޕޯޓްކޮށްފައިވާ އިރު
ބާކީ ހުރި ވޭލްތައް ސަލާމަތް ކުރުމަށް ޓެސްމަނިއާ ޕާކްސް އެންޑް ވައިލްޑްލައިފް ސާވިސްގެ ސަލާމަތީ ޓީމްތަކުން މަސައްކަތް ކުރަމުން އަންނަ ކަމަށް އޮސްޓްރޭލިއާގެ މީޑިއާ ރިޕޯޓްތައް ބުނެއެވެ.
މި ޓީމްތަކުން ކުރިން ލަފާކޮށްފައިވާ ގޮތުގައި ތާށިވެފައިވާ ވޭލްތަކުގެ ގާތްގަނޑަކަށް ދެބައިކުޅަ އެއްބައި މަރުނުވެ އަދިވެސް އެބަތިއްބެވެ.
ހަމައެއާއިއެކު
މިއީ ޓެސްމަނިއާގައި މި ހަފްތާގައި ވޭލްތައް ތާށިވެގެން މިފަދަ ހާދިސާއެއް ކުރިމަތިވި ދެވަނަ ފަހަރުކަން ފާހަގަކޮށްލެވެއެވެ. މި ހަފްތާގެ ކުރީކޮޅު ޑަޒަނަކަށް ވުރެ ގިނަ ސްޕަރމް ވެލްތައް މަރުވެގެން ވަނީ ރިޕޯޓްކޮށްފައެވެ.
ޓެސްމަނިއާގައި އެންމެ ގިނައިން ތާށިވީ 2020 ވަނަ އަހަރު 450 އަށް ވުރެ ގިނަ ޕައިލެޓް ވެލް ތާށިވެގެންނެވެ.