ސައުދީ އަރަބިއާ އާއި އިންޑިޔާ އާއި ދެމެދު ސަބްމެރިން ކޭބަލްތަކުން ގުޅުވައި، އިއާދަކުރަނިވި އެނާޖީ ގްރިޑްއެއް އުފައްދަން، ދެ ގައުމުން ވެސް އެނާޖީ ޑިޕްލޮމެސީގެ އާ ޒަމާނަކަށް ފުޅާކުރުމުގެ ގޮތުން ކުރިއަށްދާ ކްރޮސް ކަންޓްރީ ޕްރޮޖެކްޓެއް ފަށާނެކަމަށް އިންޑިޔާގެ މީޑިއާތަކުން ބުނެފައިވެއެވެ.
މީޑިއާ ރިޕޯޓްތައް ބުނާގޮތުގައި މިމަޝްރޫއު އަށް ގާތްގަނޑަކަށް 18 ބިލިއަން ޑޮލަރުގެ ޚަރަދުވާނެއެވެ. ކުރިއަށް އޮތް ދުވަސްތަކުގައި ޔޫއޭއީ ވެސް މި މަޝްރޫއުގައި ބައިވެރިވާނެކަމަށް ވެލެވެއެވެ. ސަބްމެރިން ކޭބަލް މަޝްރޫއު ގުޖުރާތުގެ މުންދްރާ ބަނދަރުން ފެށިގެން އައްސޭރިފަށުގެ ސިޓީ ފުޖައިރާއާ ގުޅާލުމަށް ހަމަޖެހިފައިވާއިރު، އެ ދެ ސަރަހައްދުގެ ދުރުމިނަކީ ގާތްގަނޑަކަށް 1،600 ކިލޯމީޓަރެވެ. މިކޭބަލް އޮމާން މެދުވެރިކޮށް ގޮސްފިއްޔާ 1،200 ކިލޯމީޓަރަށް ދުރުމިން މަދުވެގެންދެއެވެ.
ދިރާސާކުރާ ފަރާތްތަކުން ބުނާ ގޮތުގައި މީގެ ތިން އަހަރު ކުރިން ޕެޓްރޯލިއަމް އާއި ގުދުރަތީ ގޭހުގެ އޮފިޝަލުން ފީސިބިލިޓީ ސްޓަޑީއެއް ހެދި ނަމަވެސް މި މަޝްރޫއު މިހާރު ކުރިއަށް ދަނީ، ބޮޑުވަޒީރު ނަރެންދަރު މޯދީ އިންޓަނޭޝަނަލް ސޯލާ އެލަޔަންސް އަށް އަޅަމުން އަންނަ ބާރުގެ ސަބަބުންނެވެ.
