މިއަހަރު އޮކްޓޯބަރު މަހު 19 ވަނަ ދުވަހު މަޖިލީހުން ފާސްކޮށްފައިވާ ޤާނޫނީ ފަންނުގެ ޤާނޫނު (ނަންބަރު: 2019/5) އަށް 2 ވަނަ އިސްލާހުގެނައުމުގެ ބިލް ދިވެހިރާއްޖޭގެ ރައީސުލްޖުމްހޫރިއްޔާ، އިބްރާހިމް މުޙައްމަދް ސޯލިޙްވަނީ މިއަދު ތަސްދީގުކުރައްވާފައެވެ.
މިބިލް ތަސްދީގުވުމައި ގުޅިގެން ޤާނޫނީ ވަކީލްކަމުގެ ވަގުތީ ހުއްދަ ލިބިފައިވާ ފަރާތްތަކުން، ބާ އިމްތިހާން ނަހަދައި ޤާނޫނީ ވަކީލުގެ ދާއިމީ ހުއްދަ ލިބޭނެއެވެ.
.
މިޤާނޫނަށް ގެނެސްފައިވާ މައިގަނޑު އިސްލާހުތަކުގައި ހިމެނެނީ:
- ޤާނޫނީ ވަކީލުންގެ ސުލޫކީ މައްސަަލަތައް ބެލުމުގައި ބާކައުންސިލުން ޢަމަލުކުރާނެ ގޮތްތައް ކަނޑައެޅުން
- ބާކައުންސިލްގެ ބަޖެޓާއި، މާލީ ކަންކަން ބަލަހައްޓާނެ ގޮތް ކަނޑައަޅައި ބަޔާންކުރުން
- ގާނޫނީ ވަކީލު ކަމުގެ ހުއްދައަށް އެދި ހުށައަޅާ ފަރާތްތަކުން ފުރިހަަމަކުރަންޖެހޭ ތަމްރީން ޕްރޮގްރާމާއި ގުޅޭ އިސްލާޙުތައް
އަދި ހަމަ އެހެންމެ، ދިވެހިރާއްޖޭގެ ޤާނޫނީ ފަންނުގެ ޤާނޫނުގެ 31 ވަނަ މާއްދާގެ (ރ9، (ބ) އަދި، 1-31 ވަނަ މާއްދާގެ (ބ) އުނިކޮށް، މިގާނޫނުގެ 53 ވަނަ މާއްދާގެ ފަހަތަށްވެސް ވަނީ މާއްދާއެއް އިތުރުކުރެވިފައެވެ.
މި ބިލް ރައީސުލްޖުމްހޫރިއްޔާ ތަސްދީގުކުރެއްވިކަން ސަރުކާރުގެ ގެޒެޓުގައި ވަނީ ޝާއިއުކުރައްވާފައެވެ.