ޕީޕީއެމް ގެ އެތެރޭގެ އިންތިހާބު އިއްޔެ ކުރިޔަށް ގެންގޮސްފައިވުމަކީ ދިވެހިރާއްޖޭގައި ސިޔާސީ މިނިވަންކަން އޮތް ކަމުގެ ހެއްކެއް ކަމަށް، ދިވެހިރާއްޖޭގެ އިކޮނޮމިކް މިނިސްޓަރު އަދި ވެރިކަން ކުރާ އެމްޑީޕީ ޕާޓީގެ ޗެއާޕާސަން ފައްޔާޒް އިސްމާއިލް ވަނީ ވިދާޅުވެފައެވެ.
އިދިކޮޅު ކޮއޮލިޝަންގައި ހިމެނޭ ޕީޕީއެމްއަށް އިއްޔެ ބާއްވާފައިވާ އެތެރޭގެ އިންތިހާބަށް މިނިސްޓަރު ވަނީ މަރުހަބާ ކިޔާފައިވަނީ ޓްވީޓަކުންނެވެ. އަދި މީގެ އިތުރުން މިކަހަލަ ސިޔާސީ އިވެންޓުތަށް ހުއްޓުވުމުގެ ގޮތުން މިހާރުގެ ރައީސް އިބްރާހިމް މުހައްމަދް ސޯލިޚް ފުލުހުން ފޮނުވައި، މިފަދަ އަމަލުތައް ނުކުރުމަކީ ރާއްޖޭގައި ސިޔާސީ މިނިވަންކަން އޮތް ކަމުގެ ހެއްކެއް ކަމަށްވެސް ފައްޔާޒް ވިދާޅުވިއެވެ. އަދި ކުރީގެ ހަންދާންތައް އާކޮށް މީގެ ފަސް އަހަރު ކުރިން މަންޒަރު ވަރަށް ތަފާތުކަމައި، އޭރު ވޯޓު ފޮށި ބަލައިވެސް އައިސްފައިވަނީ ފުލުންހުން ކަން ފައްޔާޒަ ފާހަގަކޮށްލިއެވެ.
ޕީޕީއެމްގެ ދާއިރާތަކުގެ އިންތިހާބަށް މަރުހަބާ ކިޔަން.
— Fayyaz Ismail (@faya_i) November 5, 2022
ސިޔާސީ މިފަދަ ހަރަކާތްތަކަށް މިއަދުގެ ރައީސް @ibusolih ފުލުހުން ފޮނުވައިގެން ނުހުއްޓުވާކަމީ މިހާރުއޮތް ސިޔާސީ މިނިވަންކަމުގެ ހެއްކެއް. މީގެ 5 އަހަރު ކުރިން މަންޒަރު ކިތަންމެހާވެސް ތަފާތު. ވޯޓުފޮށި ބަލާ އޭރު އައީ ފުލުހުން pic.twitter.com/Pby970cyog
ޕީޕީއެމްގެ އަސާސީ ޤާނޫނުތަކަށް މިފަހުން ގެނެސްފައިވާ އިސްލާހުތަކއި ގުޅިގެން ދާއިރާތަކުގެ ރައިސުން ވަނީ ޕާޓީ ހިންގުމުގެ އޮނިގަނޑުގައި ހިމަނާފައެވެ. އަދި އެހެންކަމުން އިއްޔެ ކުރިއަށް ގޮސްފައިވާ އިންތިޚާބަކީ އެ ކޯލިޝަންގެ 87 ދާއިރާއަކަށް ރައީސުންނާއި ނައިބުރައީސުން ޢައްޔަންކުރުމަށް ބޭއްވި އިންތިޚާބެކެވެ.
އެހެންކަމުން ދާއިރާގެ ރައިސުންނައި ނައިބު ރައިސުންނަކީ ޕާޓީގެ ހަވަނައަށް އެންމެ ބާރުގަދަ މަގާމެވެ.
