ހުޅަނގު މޫސުމުގެ ފަހު ނަކަތާއިއެކު މޫސުމް ގޯސްވަމުންދާކަމަށް މޫސުމާއި ބެހޭ ޤައުމީ އިދާރާއިން ބުނެފިއެވެ.
އަދި ސެޓްލައިޓް ފޮޓޯތައް ދައްކާގޮތުން ރާއްޖެއާއި ވީ ސަރަޙައްދުގައި ވަނީ ބޯވިލާތައް އުފެދިފައެވެ.
އާދީއްތަ ދުވަހުގެ ހެނދުނު މޫސުމް ދައްކާ ގޮތުން ބޮޑަށް ވިއްސާރައިގެ އަސަރުކުރާނީ ހއ. އަތޮޅުން ފެށިގެން ވ. އަތޮޅާއި ހަމައަށެވެ. ނަމަވެސް، އެހެން ސަރަހައްދުތަކަށް ވެސް އަންނަނީ މަޑުމަޑުން ވިއްސާރަ ވަމުންނެވެ.
ޢާމުގޮތެއްގައި ނަކަތެއްގެ ދިރުމިނަކީ 13 ނުވަތަ 14 ދުވަސް ކަމުން ކުރިއަށް އޮތް ދެ ހަފްތާތެރޭގައި ވެސް ވިއްސާރަވުން އެކަށީގެންވެއެވެ.