މާލޭ ސިޓީ ކައުންސިލްގެ ޤުރުއާން މުބާރާތް 1443/2022 ގެ ނަމުގައި އަންނަ ރޯދަ މަހާއި ދިމާކޮށް ބޭއްވުމަށް ރޭވިފައިވާ ކަމަށް އެފަރާތުން ހާމަ ކުރައްވައިފިއެވެ.
ދެ ގުރޫޕަކަށް ބަހާލެވިގެން ކުރިއަށް ގެންދެވޭ މި މުބާރާތުގައި ދިވެހި ރާއްޖޭގެ އެކި ކަންކޮޅުތަކުން ދަރިވަރުން ބައިވެރިވާނެއެވެ. މިގޮތުން ޖޫނިއަރ ކެޓެގަރީގައި ތިން އުމުރުފުރާ (6 އަހަރުން ދަށް، 9 އަހަރުން ދަށް، އަދި 11 އަހަރުން ދަށަށް) ކުދިން ބައިވެރިވާނެއެވެ. އަދި ސީނިއަރ ކެޓެގަރީގައި ވެސް ތިން ޢުމުރުފުރާ (13 އަހަރުން ދަށް، 16 އަހަރުން ދަށް، އަދި 19 އަހަރުން ދަށަށް) ކުދިން ބައިވެރިވާނެއެވެ.
ކޮންމެ ކެޓަގަރީ އަކުން ވެސް 1 ވަނަ 2 ވަނަ އަދި 3 ވަނަ ހޮވުމަށް ހަމަޖެހިފައިވާ މިމުބާރާތުގައި ފައިސާގެ އިނާމުގެ ގޮތުގައި ޖުމްލަ 37،000 ރުފިޔާ ދިނުމަށް ހުށަހަޅާފައިވެއެވެ. އަދި ވަނަ ހޮވޭ ފަރާތްތަކަށް ހަދާނީ ލިޔުން ދެވޭނެއެވެ.
އިތުރު މަޢުލޫމާތު: https://tinyurl.com/maleCityQuran2022