މިރެއާއި މާދަމާ އަނެއްކާވެސް އުތުރގެ ބައެއް ރަށްތަކަށް ބޯވާރޭވެރި ވައިގަދަވާނެކަމަށް މޫސުމާއިބެހޭ ޤައުމީ އިދާރާ (މެޓް) އިން ބުނެފިއެވެ.
އެއިދާރާއިން އިތުރަށް ބުނެފައިވަނީ، މޫސުމް ގޯސްވާން ދިމާވީ ބޭއި އޮފް ބެންގާލްގައި އުފެދުނު ކޮޅިގަނޑެއްގެ ސަަބަބުން ކަމަށެވެ. މިކޮޅިގަނޑު މިހާރު ސްރީލަންކާ ހުރަސްކޮށް ރާއްޖެއާއި ކައިރިއަށް ޖެހިލާފައެވެ.
ކުރިއަށް 24 ގަޑިއިރުތެރޭގައި ކޮޅިގަނޑު ރާއްޖެއާއި ފެޔަށްޖެހި އަރަބި ކަނޑަށް ދަތުރުކުރާނެއެވެ. އެހެންކަމުން ދެދުވަހެއްގެތެރޭގައި މޫސުމް ރަނގަޅުވާނެކަމަށް ވެސް ލާފާކޮށްފައިވެއެވެ.