2021 ވަނަ އަހަރު ވިއެޓްނާމްގެ ރައީސްކަމާއި ޙަވާލުވެވަޑައިގެންނެވި، ނޫއެން ޝުއާން ފޮކް މަޤާމުން އިސްތިޢްފާދެއްވައިފިއެވެ.
ފޮކް އިސްތިޢްފާދެއްވާފައި މިވަނީ، ކޮމިއުނިސްޓް ޕާޓިއާއި އެޕާޓީގެ އެތައް ސަތޭކަ މެމްބަރުންނާއި ގުޅުންހުރި ކަރަޕްޝަންގެ މައްސަލަތަކެއް ފެންމަތިވެފައިވާ ދަނޑިވަޅެއްގައެވެ.
މީގެކުރިން ވެސް ވަނީ ފޮކް އިސްތިޢްފާ ދެއްވާނެކަމުގެ ޚަބަރުތަކެއް ވެސް ފެތުރިފައެވެ.
ފޮކް އިސްތިޢްފާދެއްވުމުން ޕާޓީގެ ނެޝަނަލް އެސެމްބްލީން ގޮތެއް ނިންމާނެއެވެ. އެޕާޓީން ވަނީ ފުކްއަށް ޝުކުރުއަދާކޮށް ބަޔާނެއްވެސް ނެރެފައެވެ. ނަމަވެސް، ޒިންމާވާންޖެހޭ ކަންކަމުގައި ޒިންމާވާންޖެހޭނެކަމަށް ވެސް ބުނެފައިވެއެވެ.