އިޙްޔާ ޕްރޮގްރާމް ފަހުރޭ، ބޮޑެތި އިނާމްތަކާއިއެކު އައްޑޫ ހައިސްކޫލް ހޯލުގައި

ޑައިބްލިއުޑީސީ އާއި އައްޑޫ ސިޓީ ކައުންސިލް އަދި ހެޔޮއެދޭ ގިނަ ފަރާތްތަކުގެ އެހީތެރިކަމާއެކު ކުރިއަށްދާ 1444 ވަނަ އަހަރުގެ ރަމަޟާން މަސް އިޙްޔާކުރުމުގެ ޕްރޮގްރާމްގެ ތެރެއިން އެންމެ ފަހު ސެޝަން މިރޭ އައްޑޫ ހައިސްކޫލް ހޯލްގައި އޮންނާނެއެވެ.

އެހެން އަހަރުތަކާއި ޚިލާފަށް އައްޑޫގައި މިފަހަރު ރަމްޟާން މަސް އިޙްޔާކުރުމަށް ބާއްވާ އިޙްޔާ ޕްރޮގްރާމްތައް ވަރަށް ވެސް ފުރިހަމަ ވެފައި އެހާމެ ތަފާތެވެ.

މިހާތަނަށް އައިއިރު އައްޑޫ އެކި ރަށްތަކުގައި ޖުމްލަ 4 ސެޝަނެއް ބާއްވާފައިވެއެވެ. ކޮންމެ ސެޝަނެއްގައި ވެސް ގިނަ ޢިނާމްތަނެއް ބައިވެރިންނަށް ދެވިފައިވާއިރު، ސެޝަންތަކުގައި ޒަމާނީ ވަޞީލަތްތައް ބޭނުންކޮށް، މުޖްތަމަޢުގެ ގިނަ މައްސަލަތަކަށް އަލި އަޅުވާލައި ޕްރެޒެންޓޭޝަންތަކެއް ދީފައިވެއެވެ.

ސެޝަންތަކުގައި ބައިވެރިވި ބައެއް ފަރާތްތަކުން ބުނެފައިވަނީ ސެޝަންތަކާއި ދޭތެރޭ ވަރަށް ހިތްހަމަ ޖެހޭކަމަށާއި، މީހުން އިޖްތިމާޢީ ކަންކަމަށް ހޭލުންތެރިކުރުމަށާއި މިސެޝަންތަކުން ފައިދާކުރާނެކަމަށް ދެކޭކަމަށާއި ގިނަ އަގުހުރި މަޢްލޫމާތުތަކެއް ލިބިގެންގޮސްފައިވާކަމަށެވެ.

ސެޝަންތައް ހިނގަމުންދިޔައިރު ބައިވެރިންނާއި ސުވާޅުކޮށް، ރަނގަޅު ޖަވާބުދޭ ފަރާތްތަކަށް ހަދިޔާ ވެސް ދެމުން ދިޔައެވެ.

މިރޭގެ ފަހު ސެޝަން އާއި ގުޅޭގޮތުން، ޑަބްލިއުޑީސީގެ ފަރާތުން މަޢްލޫމާތު ދެއްވަމުން އެކޮމިޓީގެ ރައީސާ ނުސްރާ ރަޝީދު ވިދާޅުވީ މިރޭގެ ސެޝަނުގައި ކުރީގެ ސެޝަންތަކަށް ވުރެ އަގުހުރި ބޮޑެތި އިނާމްތައް ދެވިގެންދާނެކަމަށެވެ.

މިރޭގެ ސެޝަންގައި ވާހަކަދައްކަވާނީ ޝައިޚް މުޙައްމަދު އަނީލް އާއި ޝައިޚް އިލްޔާސް ޖަމާލުއެވެ. ސެޝަން ފެށޭނީ 9.15 ގައެވެ.

އިޖްތިމާޢީ ގުޅުމާއިގުޅޭގޮތުން، ޑަބްލިއުޑީސީ އައްޑޫސިޓީ އިން ރޯދަމަހާއިި ދިމާކޮށް އިޙްޔާ ޕްރޮގްރާމްތަކެއް

ޑަބްލިއުޑީސީ އައްޑޫސިޓީ ރަމަޟާން އިޙްޔާކުރުން 1444 4 ވަނަ ސެޝަން

ރަމްޟާން މަސް އިޙްޔާކުރުން އައްޑޫސިޓީ ފޭދޫގައި