ގޯދިއްޔާ ފުޓުސަލް 2023 މުބާރާތުގައި، ފުރަތަމަ މެޗުގައި މަރަދޫ ޔުނައިޓެޑުން ނިކުމެ ވަރުގަދަ ރީތި ކުޅުމެއްދައްކައި 5-0 ގެ ނަތީޖާއަކުން ޒެފިއާ ބަލިކޮށްލައިފިއެވެ.
މެޗުގެ ކުޅުން އޮތީ މަރަދޫ ފޭދޫ ފުޓްސަލް ދަނޑުގައި ރޭ 9.30 ގައެވެ.
މެޗުގައި ފުރަތަމަ ގޯލެއް ޖެހީ މަރަދޫ އެފްސީއިންނެއެވެ. އިތުރު ދެ ގޯލްޖަހައި ފުރަތަމަ ހާފް ނިމުނުއިރު 3-0 ގެ ނަތީޖާއަކުން މަރަދޫ ޔުނައިޓެޑް އޮތީ ކުރީގައެވެ.
މަރަދޫ ޔުނައިޓެޑުން ފުރަތަމަ ހާފުގައި ފައުލެއްކޮށްފައި ނުވިނަމަވެސް، ދެވަނަ ހާފުގައި ޕްރެޝަރު ބޮޑުވެ 5 ފައުލް ހަމަވުމުން ޒެފިއާއަށް ޕެނަލްޓީއެއްވެސް ލިބިފައިވެއެވެ. ނަމަވެސް، މެޗު ނިމުނުއިރު ޖެހުނީ ތިންގޯލެވެ.
މެޗު ނިމުނުއިރު ނަތީޖާއަކީ 3-5 އެވެ. އެހެންކަމުން މިއީ މަރަދޫ އެފްސީއަށް ވަރަށް ވެސް ރަނގަޅު ފެށުމެކެވެ.
މެޗުގައި ޒެފިއާ އަށް ގޯލު ޖަހައިދީފައިވަނީ ތިލްމީޒު، ދާނިޝް، އަދި އީމާނެވެ. މަރަދޫ އެފްސީން ވަޖީހު ވަނީ 3 ގޯލުޖަހައި ހެޓްރިކް ހަދާފައެވެ. ޖުމެއިލް ވެސް ދެގޯލް އެޓީމަށް ޖަހައިދިނެވެ.
މެޗުގެ މޭން އޮފްދަ މެޗަކީ، މަރަދޫ ޔުނައިޓެޑްގެ ޖޯޒީ ނަމްބަރު 17، އިސްމާއިލް ވަޖީހް އެވެ.
މެޗުގެ ރެފްރީ އަކީ މުޙައްމަދު އިމްތިޔާޒެމެވެ.
މުބާރާތުގައި މިރޭ ދެމެޗު ކުޅޭނެއެވެ. ފުރަތަމަ މެޗުގައި ބައްދަލުކުރާނީ މައިލޯ ސިޓީ އަދި ޒެލޯން އެވެ. ދެވަނަ މެޗުގައި ބައްދަލުކުރާނީ އެފްސީ ސްޕްރިންޓް އަދި ފްރެންސްޑް ކްލަބެވެ.
