ޔޫކްރޭންގެ ރައީސް ވްލާޑްމީރ ޒެލެންސްކީގެ ވީޑިއޯ މެސެޖެއް ރޭ އޮތް ގްރެމީ އެވޯޑް ޙަފްލާގައި ދައްކައިފިއެވެ.
އޭނާ ވަނީ ރާޝިއާ އިން ދޭ ބޮމުގެ ޙަމަލާގެ ދަށުވެ މަޑުން ނުތިބުމަށް ފަންނާނުންނަށް ގޮވާލާފައެވެ.
"އަހަރުމެންނަށް އެހީތެރިކަން ފޯރުކޮށްދެވުނު ކޮންމެގޮތަކަށް އެހީތެރިކަން ފޯރުކޮށްދީ" އޭނާ ބުނެފައިވެއެވެ.
ވީޑިއޯ: ޒެލެންސްކީގެ މެސެޖް
ޒެލެންސްކީގެ މިމެސެޖް ގެނެސްދީފައިވަނީ ޖޯން ލެޖެންޑްގެ އާ ލަވަ 'ފްރީ' ކުޅެ ނިމުނު ތަނުންނެވެ. "އަހަރުމެން އެންމެން ސަލާމަތްވެ މިނިވަން ވަންދެން މިނިވަންކަމުގެ ވާރޭ އޮއްސާލަދޭށެވެ".
ލަވަ ކިޔާ ނިމުމުން ޔޫކްރޭނަށް އެހީވާން ފަންޑުފޮށްޓެއް ބެހެއްޓިއެވެ.