އައްޑޫ ސިޓީ ކައުންސިލުން ވަނީ ހިތަދޫގެ ރައްޔިތުންނާއި ބައްދަލުކުރުމަށް ބޭނުންވާކަމަށް ބުނެފައެވެ. ކައުންސިލުން ތައްޔާރުކޮށްފައިވާ ދަޢުވަތުގައިވާގޮތުން މިބައްދަލުވުން އޮންނާނީ ހޮނިހިރު ދުވަހުގެރޭ (މިރޭ) އައްޑޫ ހައި ސްކޫލްގައެވެ.
މިބައްދަލުވުން ފެށޭނީ މިރޭ 8.30 ގައެވެ.
ލާމަރުކަޒީ ގާނޫނުގެ ދަށުން ކައުންސިލުތަކުން އަހަރެއްގެތެރޭ ވަކި ޢަދަދަކަށް ބައްދަލުވުންތަކެއް ބާއްވާ ކައުންސިލްތަކުގެ އެންމެހައިކަންކަން ރައްޔިތުންނާއި ޙިއްސާކުރަން ޖެހެއެވެ. ބަޖެޓް ފާސްކުރުމާއި، ޢާއްމު ބައްދަލުވުންތައް ވެސް މީގެތެރޭގައި ހިމެނެއެވެ.
ނަމަވެސް މިފަހަރު މިބޭއްވޭ ބައްދަލުވުން ބޭއްވެނީ ސީދާ ކޮންކަމަކާއި ގުޅިގެން ކަމެއް ކައުންސިލުން ތައްޔާރުކޮށްފައިވާ ދަޢުވަތުން އެނގޭކަށް ނެތެވެ.