އައްޑޫ ސިޓީ މަރަދޫ ޒުވާނުންގެ ތަކެއް ނިކުމެ މުޒާހިރާކޮށްފިއެވެ. މިއަދު ހަވީރު ސައިކަލް ބުރަކާއިއެކު ކުރިއަށްގެންދިޔަ މިމުޒާހިރާ ކުރިއަށް ގެންގޮސްފައިވަނީ މަރަދޫ އަވަށު އޮފީސް ކުރިމަތީގައެވެ.
އެކްސްޕްރެސް ނޫހާއި ވާހަކަދައްކަމުން މުޒާހިރާގެ ތެރެއިން ބައިވެރިއަކު ބުނީ، މަރަދޫ ފިޔަވައި އެހެން ހުރިހާ ރަށެއްގައި ފެންވަރު ރަނގަޅު ފުޓްސަލް ދަނޑުތައް އެބަހުރިކަމަށެވެ. އަދި އެރަށުގައި އެންމެ ގިނަ ޒުވާނުން ކުޅެން ބޭނުންވަނީ ފުޓުބޯޅަ އާއި ފުޓްސަލްކަމަށްވެފައި، މިފަދަ ވަޞީލަތެއް ނެތުމަކީ ކަންބޮޑުވާކަމެއް ކަމަށެވެ.
މިކަމާއި ގުޅިގެން ސިޓީ ކައުންސިލްގެ ސަމާލުކަމަށް ގެނައުމަށް އެކިފަހަރުމަތިން މަސައްކަތްކުރިން. އެކަމަކު އެކަށީގެންވާ އިޖާބައެއް ނުލިބޭ. އެހެންވެ އަޅުގަނޑުމެން ނިންމީ ސުލްހަވެރި މުޒާހިރާއަކަށް ދާން.
~ މުޒާހިރާގެ ތެރެއިން ބައިވެރިއަކު
މިކަމާއި ގުޅިގެން ސިޓީކައުންސިލްގެ ބަހެއް ވަނީ ނުލިބިފައެވެ.