މާލޭގައި ކޭބަލްތަކަކަށް ދިމާވި މައްސަލައިގައި އިއްޔެވެސް މާލެއިން ވަނީ ކަރަންޓު ކެނޑިފައެވެ.
މާލެއަށް ކަރަންޓުގެ ޚިދުމަތް ފޯރުކޮށްދޭ ކުންފުނީގެ މެނޭޖިން ޑިރެކްޓަރ އަޙްމަދު ޝަރީފް ވިދާޅުވީ، އެމައްސަ އިއްޔެ ވަގުތީގޮތުން ޙައްލުކުރެވިފައި ވީނަމަވެސް، ދާއިމީ ޙައްލެއް ހޯދުމަށްޓަކައި މާލޭގެ އެކި ސަރަޙައްދުތަކުން ކަރަންޓު ކަނޑަން ޖެހޭކަމަށެވެ.
އެހެންކަމުން މިއަދު އެކި ވަޤުތުތަކުގައި މާލޭގެ އެކި ސަރަޙައްދުތަކުން ކަރަންޓު ކެނޑިފައިވެއެވެ.
އަދި އެކަމުގެ ސަބަބުން ސްކޫލްތަކުގެ ކިޔެވުން ވެސް މެދުކަނޑާލަން ޖެހުމާއި އެކު، އެހެނިހެން ގިނަ ޢާއްމު ޚިދުމަތްތަކަށް ވެސް ވަނީ ބުރޫ އަރާފައެވެ.