އައްޑޫގައި ސިލްސިލާކޮށް މާރާމާރީތައް ހިނގަމުންދާތީ ކަންބޮޑުވުން ފާޅުކޮށް އައްޑޫސިޓީ ކައުންސިލުން ނޫސްބަޔާނެއް ނެރެ، ގެޒެޓްކޮށްފިއެވެ.
އެނޫސްބަޔާނުގައި ބުނެފައިވަނީ، މިމާރާމާރީތަކުގެ ސަބަބުން ރަށުތެރޭގައި ވަރަށް ބޮޑު ބިރުވެރިކަމެއް އުފެދިފައިވާކަމަށެވެ. އަދި އެކިފަރާތްތަކަށް ސީރިއަސް އަނިޔާ ލިބި ޒުވާނެއްގެ ފުރާނަ ގޮސްފައިވާކަމަށެވެ. އަދި މިފަދަކަންކަން އެއްގޮތަކަށް ވެސް ބަލައިނުގަންނަ ކަމަށެވެ.
އައްޑޫސިޓީ ކައުންސިލް މިކަމުގައި އިންތިހާއަށް ކަންބޮޑުވެ ހިތާމަކުރާ ކަމެއް ކަމުގައިވެސް ބަޔާންކޮށްފައިވެއެވެ.
ބަޔާން ނިންމާލާފައިވަނީ ރަށުތެރޭގެ އަމާންކަން ގާއިމުކޮށްދެއްވުން އަވަސްކޮށްދެއްވުންއެދި ދައުލަތުގެ މުއައްސަސާތަކަށް ގޮވާލާފައެވެ.