ސީއައިއީއެސް ފުޓްބޯލް އޮބްޒަވޭޓަރީއިން ހަދާފައިވާ ދިރާސާއަކުން ފުޓްބޯޅަ ކުޅޭ ކުޅުންތެރިންގެ ތެރެއިން ދުނިޔޭގައި މި ވަގުތު ހުރި އެންމެ އަގުބޮޑު ކުޅުންތެރިޔަކީ ޕީއެސްޖީއަށް ކުޅެމުން އަންނަ ކީލިއަން އެމްބާޕޭ ކަމުގައި ހާމަކޮށްފިއެވެ.
އެމްބާޕޭ މިލިސްޓުގެ އެންމެ ކުރިއަށް އަރަނީ އޭނާގެ ޓްރަންސްފަރގެ އަގު 175.7 މިލިއަން ޕައުންޑަށް އަރާނެކަމަށް އަންދާޒާ ކުރެވިފައިވާތީއެވެ. މި ސީޒަނަށް ފަހު ރެއާލް މެދްރިޑަށް ބަދަލުވުމުގެ ފުރުސަތު ލިބުމާއެކުވެސް އެކަން ގަބޫލް ނުކޮށް ޕީއެސްޖީ ގައި މަޑުކުރަން ނިންމާފައެވެ.
މިލިސްޓުގެ ދެވަނަ ލިބެނީ ރެއާލް މެޑްރިޑްގެ ފޯވާޑް ބްރެޒިލްގެ ކުޅުންތެރިޔާ ވިނީޝިއަސް ޖޫނިއަރއަށެވެ. އޭނާގެ އަގު އުޅެނީ 158.3 މިލިއަން ޕައުންޑްގައެވެ. އަދި މިލިސްޓުގެ ތިންވަނަ ލިބުނީ ނޯވޭގެ ފޯވަޑް އަރލިންގ ހާލަންޑްއެވެ. އޭނާގެ އަގު އުޅެނީ 130.4 މިލިއަން ޕައުންޑްގައެވެ
މިލިސްޓްގެ 41 ކުޅުންތެރިންނަކީ އިންގްލިޝް ޕްރިމިއަރ ލީގަށް ނިސްބަތްވާ ކުޅުންތެރިންނެވެ.
