ސްޕެނިޝް ލަލީގާ ފެށުމުގެ ކުރިން (ޕްރޯ-ސީޒަން ކްލެސިކޯ ގައި) ބާސެލޯނާ (ބާސާ) އިން ރެއަލް މެޑްރިޑާއިއެކު އެމެރިކާގެ ލަސްވޭގަސް ގައި އެކުވެރިކަމުގެ ފުޓުބޯޅަމެޗެއް ކުޅުމަށް ތާވަލުކޮށްފި ކަމަށް އެކުލަބުތަކުން ވަނީ ހުކުރުދުވަހު އިޢްލާނުކޮށްފައެވެ.
މެ މެޗުކުޅުމަށް ތާވަލުކޮށްފައިވަނީ ޖުލައިމަހުގެ 23 ވަނަ ދުވަހު، ލާސްވޭގަސް ސިޓީގެ އެލެޖޭންޓް ސްޓޭޑިއަމްގައެވެ. އެއީ 65،000 މީހުންނަށް ވަދެވޭ ސްޓޭޑިއަމްއެކެވެ.
މިއީ މިދެޓީމް އެމެރިކާގައި ކުޅޭ މިފަދަ ދެވަނަ މެޗެވެ.
އެމެރިކާގެ މައާމީ ގައި 2017 ވަނަ އަހަރު މެދެޓީމް ބައްދަލުކުރި ހައިލައިޓްސް
މީގެކުރިން 2017 ވަނަ އަހަރު، މައާމީ ގެ ހާޑްރޮކް ސްޓޭޑިއަމްގައި މިދެޓީމް ވަނީ އެކުވެރިކަމުގެ މެޗެއް ކުޅެފައެވެ. އެމެޗް ބަލަން 64،000 މީހުން ވަންއިރު، ޓިކެޓު ގަންނަން ބޭނުންވި އެތައްހާސް ބަޔަކަށް ޓިކެޓެއް ނުލިބުނެވެ.
އެމެޗު ކާމިޔާބު ކުރީ 3-2 ގެ ނަތީޖާއަކުން ބާސާ އިންނެވެ.
ބާސާ އަށް ވުރެ 13 ޕޮއިންޓް ކުރީގައިއޮވެ، ރެއާލް އިން ވަނީ ފަސޭހަކަމާއި އެކު މިދިޔަ ސްޕެނިޝް ސީޒަން ކާމިޔާބުކޮށްފައެވެ.