އާބާދީގައި 22 މިލިއަނަށް ވުރެ ގިނަ މީހުން ދިރިއުޅޭ އަވަށްޓެރި ސްރީލަންކާގައި ސަރުކާރު މުވައްޒަފުންގެ ގޮތުގައި 1 މިލިއަނަށްވުރެ ގިނަ މީހުން މަސައްކަތް ކުރެއެވެ.
ބޭރުފައިސާ ގައުމުން ހުސްވެ، އެގައުމުގެ ބޭރުގެ ދަރަނިތައް ނުދެއްކި ބޭނުންވާ އެންމެ ޒަރޫރީތަކެތިވެސް ވަނީ އެތެރެނުކުރެވިއެވެ. މިއީ އެގައުމުގެ 70 އަހަރުގެ ތާރީޚުގައި ވެސް ނެތްފަދަ ތަދުމަޑުކަމެއްކަމަށް ބީބީސީ އިން ރިޕޯޓުކޮށްފައިވެއެވެ.
ހަދާނެގޮތް ހުސްވެ ހޯމަދުވަހުން ފެށިގެން އެގައުމުގެ ސަރުކާރުން ވަނީ ކުރިއަށްއޮތް 3 މަސް ދުވަހުގައި، ކޮންމެ ހުކުރުދުވަހަކު ދަނޑުވެރިކަން ކުރަމަށްޓަކައި ނިކުތުމަށް ސަރުކާރު މުވައްޒަފުންނަށް ހުއްދަ ދީފައެވެ. ސަރުކާރުން ބުނީ މިއީ ރައްޔިތުން އަމިއްލައަށް ބޭނުންވާ ވޭމާ އާއި ތަރުކާރީ އުފެއްދުމަށް ހިތްވަރު ދިނުމުގެގޮތުން ފޯރުކޮށްދީފައިވާ ލުޔެއް ކަމަށެވެ.
"އަޅުގަނޑުމެން އެދެނީ ކުރިއަށް އޮތް 5-10 ދުވަސް ތެރޭގައި، ހުރިހާއެންމެން ދަނޑުތަކަށް ނިކުމެ ހަނޑޫ ހެއްދުމަށް މަސައްކަތް ކުރުން." ސްރިލަންކާގެ ދަނޑުވެރިކަމާއި ބެހޭ މިނިސްޓަރު މަހިންދާ އަމަރަވީރާ ވިދާޅުވެފައިވެއެވެ.
