މުޅި ރާއްޖޭގައި ވެސް ބޭއްވުމަށް ތައްޔާރުވަމުން އައި އެންމެ ކުލަގަދަ ބޮޑު ޢީދު ޙަރަކާތްތައް މާލެ ސަރަޙައްދުގައި ކުރިއަށް ނުގެންދިއުމަށް އެޗްޑީސީއިން ނިންމައިފިއެވެ.
އެޗްޑީސީއިން މިގޮތަށް ނިންމީ އެކުންފުނިން ކޮށްފައިވާ އިޢްލާނެއްގައެވެ. އެއިޢްލާނުގައިވާގޮތުން ކުރިން ވަރަށް ކުލަގަދަކަށް ކުރިއަށް ގެންދިއުމަށް ރޭވިނަމަވެސް ރާއްޖޭގެ ކޮވިޑްގެ ޙާލަތު ގޯސްވަމުންދާތީ ގިނަމީހުން އެއްވެ އުޅޭ ޙަރަކާތްތައް ނުބޭއްވުމަށް އެކުންފުނިން ނިންމާފައިވާކަމަށެވެ.
އެހެންކަމުން މިފަހަރުގެ ބޮޑު ޢީދުގައި ގިނަބަޔަކު އުއްމީދުކުރަމުން އައި ހަވާ އެރުވުމާއި މިއުޒިކް ޝޯ ބޭއްވުން މިފަހަރުވެސް ނޯންނާނެއެވެ.
އެކަމަކު އެހެން ބައެއް ޙަރަކާތްތައް ކުރިއަށް ގެންދަން މަސައްކަތް ކުރާނެކަމަށް އެޗްޑީސީއިން ބުނެފައިވެއެވެ.
ރާއްޖޭގެ އެހެން ބައެއް ކަންކޮޅުތަކުގައި ވެސް ބޮޑު ޢީދު ފާހަގަކުރުމަށްޓަކައި ގިނަ ތައްޔާރީތަކެއް އަންނަނީ ވަމުންނެވެ.
