މިހާރު އެމެރިކާގެ އޮރިގަން ސްޓޭޓްގައި ކުރިއަށްދާ، ވޯލްޑް އެތްލެޓިކްސް އިން އިންތިޒާމްކޮށްގެން ބާއްވާ "ވޯލްޑް އެތްލެޓިކްސް ޗެމްޕިއަންޝިޕް" ގައި ރާއްޖޭގެ ކުޅަދާނަ އެތްލީޓް, ހުސެން ސާއިދު (30އ) ވާދަކޮށްފިއެވެ.
އޭނާ ވަނީ މިމުބާރާތުގައި ފުރުތަމަ ބުރުގައި ދުވެ، 100 މީޓަރުގެ ރޭސް ނިންމާފައިވަނީ 10.83 ސިކުންތުންނެވެ. އަދި ޕްލިމިނަރީ ބުރު ނިންމާފައިވަނީ 10.77 ސިކުންތުންންނެވެ.
މިނަތީޖާ އާއި އެކު އޭނާ ވަނީ އަށް ވަނީ މުބާރާތުގައި އިތުރަށް ކުރިއަށް ދިއުމުގެ ފުރުޞަތު ގެއްލިފައެވެ. އޭނާއަށްވުރެ ހަތަރު ދުވުންތެރިއަކު ވީ ކުރީގައެވެ. ސާއިދު ބައިވެރިވި ދުވުމުގައި އެންމެ އަވަހަށް ނިންމާފައިވަނީ ޕެރަގުއޭގެ ދުވުންތެރިޔާ ސެޒާ އަލްމިރޯން އެވެ. އޭނާ ހީޓް ނިންމީ 10.49 ސިކުންތުންނެވެ.
މިމުބާރާތަށްފަހު މިމަހު ފަހުކޮޅުގައި އިނގިރޭސިވިލާތުގައި އޮންނަ ކޮމަންވެލްތް ގޭމްސްގެ އިތުރުން އަންނަމަހު ތުރުކީގައި އޮންނަ އިސްލާމިކް ސޮލިޑަރިޓީ ގޭމްސްގައިވެސް ބައިވެރިވާނެއެވެ.
އެންމެ ފަހުން މިމުބާރާތް ބާއްވާފައިވަނީ ގަތަރުގެ ވެރިރަށް ދޯހާގައި ހުން ޚަލީފާ އިންޓަނޭޝަނަލް ސްޓޭޑިއަމްގައި، 2019 ވަނަ އަހަރުއެވެ.
