މި ހަފްލާ ކުރިއަށްގެންގޮސްފައި ވަނީ އައްޑޫ ސިޓީ ހިތަދޫ ސިޓީސްކުއެއާ ގައި އިއްޔެ ހަވީރުއެވެ.
މި ހަފްލާ ޝަރަފުކޮށްދެއްވީ އައްޑޫ ސިޓީގެ ޑެޕުއިޓީ މެޔާ މުޙައްމަދު ޝުޢާއުއެވެ. އަދި މިޙަރަކާތުގެ މެއިން ސްޕޮންސާރ އަކީ ދިރާގެވެ. ދިރާގުގެ ފަރާތުން ރީޖަނަލް މެނޭޖަރ އަހުމަދު ނަދީމް ބައިވެރިވެވަޑައިގެންނެވިއެވެ.
އިއްޔެގެ ހަފްލާގައި އައްޑޫ މޮޓޯ ރޭސިން އެސޯސިއޭޝަންގެ ފަރާތުން ވާހަކަ ދައްކަވަމުން އެ އެސޯސިއޭޝަންގެ ސެކެޓްރީ ޖެނެރަލް، އަމާން ވަހީދު ވިދާޅުވީ މި އެ އެސޯސިއޭޝަންގެ މައިގަނޑު މަޤްޞަދަކީ އައްޑޫ ސިޓީގެ މަގުތައް އަމާންތަނެއްގެ ގޮތުގައި ހެދުމާއި، މަގުމަތީގައި ހިނގަމުން ދާ ނުރައްކާތެރި އެކްސިޑެންޓްތައް މަދުކުރުން ކަމަށެވެ. އަދި މަޤްބޫލު ކުޅިވަރެއްގެ ގޮތުގައި މިކުޅިވަރު ހެދުމެވެ.
އަމަން އިތުރަށް ވިދާޅުވީ، މިވަގުތަށް ބޭނުން ވާ ހުރިހާ ސަލާމަތީ ގިއަރާއި އެހެނިހެން ސާމާނު ހަމަކުރެވިފައިވާކަމަށެވެ. އަދި މިވަގުތު އައްޑޫ މޮޓޯ ރޭސިން އެސޯސިއޭޝަންގައި ގާތްގަނޑަކަށް 37 ވަރަކަށް ފަރާތުން އެކްޓިވްކޮށް ޙަރަކާތްތެރިވަމުންދާކަމަށެވެ.
އެސޯސިއޭޝަންގެ ޙަރާކާތްތައް ކުރިއަށް އޮތްތަނުގައި ބާއްވާއިރު ފުލުހުންނާއި އައްޑޫ ސިޓީ ކައުންސިލްގެ އެހީތެރިކަން ލިބިގެންނެވެ. އެ ގޮތުން މަގު ބަންދުކޮށް ކޮންމެ ބުރާސްފަތި ދުވަހެއްގެ ރޭ އައްޑޫ ސިޓީސްކުއެއާގައި ފަރިތަކުރުން އޮންނާނެއެވެ.
އިއްޔެ ބޭއްވުނު ޙަރަކާތުގެ ތެރެއިން
މުސްތަގްބަލުގައި ވެސް މި ހަރަކާތްތައް ބާއްވާއިރު އިއްޑޫ ސިޓީ ކައުންސިލުން ފުރިހަމަ އެއްބާރުލުން ލިބޭނެކަމަށް އައްޑޫ ސިޓީ ކައުންސިލްގެ ފަރާތުން ޑެޕިއުޓީ މޭޔަރ މުހައްމަދު ޝުޢާއު ވިދާޅުވެފައިވެއެވެ. އެގޮތުން އައްޑޫ ސިޓީގެ މަގުތައް ހެދުމުންދާއިރު މިހަރާކާތްތައް ކުރިއަތްގެންދާނެ ފުރުސަތު މަގުފަހިިވާގޮތަށް މަގުތަށް ތައްޔާރުކުރެވޭނެކަމަށް ކައުންސިލުން ވިދާޅުވެފައިވެއެވެ.
މި ހަރަކާތްތައް ކުރިއަށްގެންދިއުމުގައި ކުޅިވަރުގެ ދާއިރާގެ ފުންނާބު އިސްފަރާތެއް ކަމަށްވާ މަރޭގެ އިތުރުން ގިނަ އެހެން ފަރާތްތަކުގެ އެހިތެރިކަން ވަރަށް ބޮޑަށް ލިބެމުން ދާކަން އައްޑޫ މޮޓޯ ރޭސިން އެސޯސިއޭޝަނުން ފާހަގަކުރައްވައެވެ. އަދި އެހުރިހާ ފަރާތްތަކަށް ވެސް ޝުކުރު އަދާކުރެއްވިއެވެ.
