ދިވެހިރާއްޖޭގެ ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިޙްއަށް ރަސްމީ ދަތުރުފުޅެއްގައި އިންޑިއާ އަށް ވަޑައިގަތުމަށް ދަޢުވަތު އަރުވާފައިވާކަމަށް، އިންޑިއާގެ ދާޚިލީ ވުޒާރާ އާއި ޙަވާލާދީ، އިންޑިއާގެ ނޫސްތަކުން ބުނެފިއެވެ.
މިގޮތުން އެމަނިކުފާނު އިންޑިއާއަށް ވަޑައިގަތުމަށް ހަމަޖެހިފައިވަނީ އަންނަ ހަފްތާގެ ހޯމަދުވަހުއެވެ. އަދި މިދަތުރުފުޅުގައި ތިން ދުވަހު އިންޑިއާގައި މަޑުކުރައްވާނެއެވެ.
އިންޑިއާގެ ނޫސްތަކުން ބުނެފައިވަނީ މި ދަތުރުގެ މަޤްސަދަކީ މިހާރު ހެދިފައިވާ އެއްބަސްވުންތަކާއި ކުރިއަށް ގެންދެވޭ މަސައްކަތްތައް މުރާޖާކުރުމާއި، ގުޅިގެން ކުރާ މަސައްކަތްތައް އިތުރަށް ވަރުގަދަ ކުރުން ކަމަށެވެ.
މިދަތުރުފުޅުގެ ތެރެއިން ރައީސް ސޯލިޙް، އިންޑިއާގެ ރައީސް ޑްރައުޕަޑީ މުރްމޫ އާއި އިންޑިއާގެ ބޮޑުވަޒީރު ނަރެންދްރަ މޮޑީ އާއި ބައްދަލުކުރައް ވާހަކަފުޅުދައްކަވާނެއެވެ.
މިދަތުރުފުޅުގައި ރައީސް ސޯލިޙް އާއިއެކު މަތީ ފެންވަރުގެ ވަފްދެއް ވައިވެރިވެވަޑައިގަންނަވާނެ. މިއީ އޯގަސްޓް މަހުގެ 1-4 އަށް ރައީސް ސޯލިޙް ކުރައްވާ ރަސްމީ ދަތުރެއް. ރަސްމީ ބައްދަލުވުންތަކުގެ އިތުރުން، ރައީސް ސޯލިޙް، މުމްބާއި އަށް ވަޑައިގެން، ވިޔަފާރި ޑެލިގޭޝަންތަކާއި ވެސް ބައްދަލުކުރައްވާ ވާހަކަފުޅުދައްކަވާނެ.
~ އިންޑިއާގެ ޚާރިޖީ ވަޒީރު، އެސް ޖަޔާ ޝަންކަރު
