އެމެރިކާއިން ދިން މިސައިލް ހަމަލާއަކުން މަރައިލި އަލް-ޤައިދާގެ އިސް ލީޑަރު އައިމަން އަލްޒަވާހިރީގެ މަރާއި ގުޅިގެން އެމެރިކާއާއި ދެކޮޅަށް އަޑުއުފުލައި މުޒާހަރާތަކެއް އަފްޢާނިސްތާނުގެ ރައްޔިތުން ފަށައިފިއެވެ.
ޒަވާހިރީ މަރައިލާފައި ވަނީ އަފްޢާނިސްތާނުގެ ވެރިރަށް ކާބުލްގެ ރަށްބޭރުގައިވާ ޝޭރްޕޫރުގެ ގެއެއްގައި އޭނާ ހުއްޓައެވެ. މިހަމަލާ ދީފައިވަނީ އަސްކަރީ ޑްރޯނެއްގެ އެހީގައެވެ. އެމެރިކާއިން މި ހަމަލާ ސިފަކުރަމުން ދަނީ، މިއީ އަލް ޤައިދާގެ ކުރީގެ ލީޑަރު އުސާމާ ބިން ލާދިން މަރިލިފަހުން އެ ޖަމާޢަތަށް ލިބުނު އެންމެ ބޮޑު ގެއްލުމުގެ ގޮތުގައެވެ.
ބެލެވޭ ގޮތުގައި އެމެރިކާއިން ޒަވާހަރީއަށް އަމާޒުކޮށް މިހަމަލައި ދީފައި މިވަނީ 2001 ވަނަ އަހަރުގެ ސެޕްޓެމްބަރ މަހު މަތިންތާބޯޓުތަކެއް ހައިޖެކްކޮށްގެން އެމެރިކާގެ ނިއުޔޯކުގައި ހުންނަ ވޯލްޑް ޓްރޭޑް ސެންޓަރަށް ދިން ޓެރަސިސްޓް ހަމަލައިގެ ފަހަތުގައި އެންމެ އިސް ލީޑަރެއްގެ ގޮތުގައި ޒަވާހިރީ ހަރަކާތްތެރިވެފައި ވާތީއެވެ.
މިލިޔުމާއި ގުޅޭ:
އެމެރިކާގެ ޑްރޯން ހަމަލާއެއްގައި އަލްޤައިދާގެ ލީޑަރު އައިމަން އަލް ޒަވާހިރީ މަރާލައިފި
