އިލެކްޝަންސް ކޮމިޝަން (އިސީ) ގެ މެމްބަރުން ދެ ދައުރު އަދާކޮށްފައިވާ ނަމަ އިނާޔަތާއެކު ރިޓަޔާވެވޭ ގޮތަށް ގަވައިދަށް ގެނައި އިސްލާހު ފިނޭންސް މިނިސްޓްރީ އިން އުވާލައިފިއެވެ.
އަދި އިލެކްޝަންސް ކަމިޝަނުން ވަނީ މިހާރު އެޤަވާޢިދު ބާޠިލުކޮށްފައިކަމަށް މަޢްލޫމާތު ލިބެއެވެ.
މިބަދަލު ޤަވާއިދަށް ގެނެސް އެކޮމިޝަނުން އުސޫލެއް ފާސްކޮށްފައިވަނީ މިދިޔަ ފެބްރުއަރީ މަސްތެރޭގައެވެ. އުސޫލްގައި ވާގޮތުން މަދުވެގެން 10 އަހަރު އެ ކޮމިޝަނަށް ޚިދުމަތްކޮށްފައިވާނަމަ 55 އަހަރުވުމުން ރިޓަޔަރ ކުރާއިރު މުސާރައިގެ 75 އިންސައްތަ އާއި ހަމައަށް ޢިނާޔަތް ލިބެއެވެ.
އެލެކްޝަނުން ބުނެފައިވަނީ، މިޤަވާޢިދު ފާސްކޮށްފައި ވީނަމަވެސް ޢަމަލުކުރަން ފަށާފައިނުވާކަމަށެވެ.
އިލެކްޝަންސް ކޮމިޝަނުން އެގޮތަށް ނިންމުމާއި ގުޅިގެން އެހެން މިނިވަން މުވައްސަސާތަކުން ވެސް އައީ އެފަދަ އުސޫލްތަކެއް ހެދުމަށް މަސައްކަތްކުރަމުންނެވެ. އަދި ރައްޔިތުންގެ މަޖިލީހަށް ވެސް އެފަދަ ހުށަހެޅުމެއް ހުށަހަޅާފައިވެއެވެ.
