އައްޑޫސިޓގައި ވަރަށް ބޮޑަށް މޫސުމް ގޯސްވެ ކުރަމުންދާ ވިއްސާރައިގައި، ބައެއް ސަރަޙައްދުތަކުގެ މަގުތަކުގައި ފެންބޮޑުވުމުގެ އިތުރުން، ބައެއް ގެތަކަށް ވެސް ފެން ވަދެފައިވާކަމަށް ކަމާއިގުޅޭ އިދާރާތަކުން ބުނެފިއެވެ.
މިކަމާއި ގުޅިގެން އައްޑޫ ސިޓީކައުންސިލުން ވެސް ވަނީ ސަމާލުގެ ނޯޓިސްއެއް ނެރެފައެވެ.
ނެރެފައިވާ ބަޔާނުގައިވާގޮތުން އައްޑޫގައި މިވަގުތު މަގުހެދުމުގެ ބިޔަ ޕްރޮޖެކްޓްތަކެއް ހިނގަމުން ދިއުމާއިއެކު، ކޮނެފައިވާ މަގުތަކުގައި ޙަރަކާތްތެރިވުމުގައި ސާމާލުކަން ދެއްވުމަށް އިރުޝާދުދެއްވާފައިވެއެވެ.
ފެން ބޮޑުވެފައިވާ ގެތަކަށް އެހީތެރިކަން ފޯރުކޮށްދެއްވުމުގައި އެމްއެންޑީއެފް އާއި ފުލުހުން ވެސް އަންނަނީ ޙަރަކާތްތެރިވަމުންނެވެ.
މޫސުމާއި ބެހޭ އިދާރާއިން ވަނީ މިރޭ 12 އާއި ހަމައަށް އައްޑޫ އަދި ފުވައްމުލަށް ހިމެނޭ ސަރަޙައްދަށް ޔެލޯ އެލާޓު ވެސް ނެރެފައެވެ.
މޫސުމް އަންނަނީ މިހާރު މަޑުމަޑުން ރަނގަޅުވަމުންނެވެ. ނަމަވެސް މާދަމާގެ ވަޤުތުތަކުގައި ވެސް ވިއްސާރަވާނެކަމަށް ލަފާކޮށްފައިވެއެވެ.