އައްޑޫގައި ބިން ހިއްކުމުގެ ޕްރޮޖެކްޓް ހިންގާ ނެދަރލޭންޑްސްގެ ވެންއޫދު ކުންފުނިން އައްޑޫގެ ދެ ސަރައްޙައްދެއްގައި މޮނިޓަކުރުމަށްޓަކައި ބޮއި ތަކެއް އަޅާފައިވާތީ، މި ބޮއިތަކަށް ސަމާލުކަން ދިނުމަށް އެކުންފުނިން އެދެފިއެވެ.
އެކްސްޕްރެސް ނިއުސް އާއި ވާހަކަ ދައްކަމުން ވެންއޫދު ކުންފުނީގެ އޮފިޝަލުން ބުނެފައިވަނީ މި ބޮއިތައް އެޅުމުގެ ބޭނުމަކީ ކޮންނަން ފަށާފައިވުމާއިއެކު ފެނުގެ ކޮލިޓީއަށް އަންނަ ބަދަލުތައް ދެނެގަތުމާއި މާހައުލު މޮނިޓާރ ކުރަމުން ގެންދިއުންކަމަށެވެ.
މީގެތެރެއިން އެއް ބޮއި އަޅާފައިވަނީ ހިމާޔަތްކުރެވިފައިވާ ސަރަޙައްދެއް ކަމުގައިވާ ބްރިޓިޝް ލޯޔަލްޓީ ޝިޕްރެކް އާއިވީ ދިމާލުންނެވެ. އަނެއް ބޮއި އަޅާފައިވަނީ މާކަނޑު މަންތާ ޕޮއިންޓާއި ދިމާލުންނެވެ.
ވެންއޫދުން އެދިފައިވަނީ މި ބޮއިތަކާއި ގާތްނުވުމަށާއި، ބޮއިތަކުގައި އަތް ނުލުމަށެވެ.