އަންނަ ސެޕްޓެމްބަރު މަހުގެ 9 ވަނަ ދުވަހު ބޭއްވޭ ރިޔާސީ އިންތިޚާބަށް ކުރިމަތިލުމުގެ ފުރުޞަތު އިލެކްޝަންސް ކޮމިޝަނުން ހުޅުވާލައިފިއެވެ.
އިލެކްޝަންސް އިން ބުނެފައިވަނީ އާދީއްތަ ދުވަހުގެ 9:00 އިން ފެށިގެން އޯގަސްޓް މަހުގެ 7 ވަނަ ދުވަހާއި ހަމައަށް ރިޔާސީ ކެންޑިޑޭޓުން ނަން ހުށެހެޅުމުގެ ފުރުޞަތު ހުޅުވާލާފައިވާކަމަށެވެ.
ފޯމުތައް ބަލައިގަންނާނީ ދަރުބާރުގޭގައި ހުންނަ އިންތިޚާބާއި ބެހޭ މަރުކަޒަށެވެ.
ކެންޑިޑޭޓުންގެ ޝަރުތުތަކުގެ ތެރޭގައި:
- މުސްލިމަކު ކަމުގައި ވުން
- 35 އަހަރު ވެފައިވުން
- ބުއްދި ސަލާމަތުން ހުރުން
- ސާބިތު ދަރަންޏެއް އޮވެ ޚަލާސްކޮށްފައިވުން
- 12 މަހަށް ވުރެ ދިގު މުއްދަތެއްގެ ހުކުމެއްކޮށްފައިވާނަމަ ތަންފީޒުކޮށް ނުވަތަ މާފުކުރިތާ 3 އަހަރު ވެފައިވުން
- މަކަރާއި ޙީލަތެއް ނުވަތަ ޚިޔާނާތެއްގެ ކުށެއް ސާބިތުވެފައި ނުވުން
ފޯމާއި އެކު 1500 މީހުންގެ ސޮއި ހުށަހަޅަން ޖެހެއެވެ. އަދި އިދާރީ ފީގެ ގޮތުގައި 100،000ރ. (އެއްލައްކަ ރުފިޔާ) ދައްކަން ވެސް ޖެހެއެވެ.