ދެ ދުވަސްތެރޭ 25،000 މީހުން ރީ-ރަޖިސްޓްރީ ކުރުމަކީ ސުވާލު އުފެދޭ ކަމެއްކަމަށާއި ތަޙުޤީގުކޮށް ބެލެންޖެހޭ ކަމެއްކަމަށް ޕީއެންސީގެ ރިޔާސީ ކެންޑީޑޭޓް މުޙައްމަދު މުޢިއްޒު ވިދާޅުވެއްޖެއެވެ.
އިންތިހާބަށް ރީ-ރަޖިސްޓަރ ކުރުމަށް ހުޅުވާލި ފުރުސަތުގައި މިހާތަނަށް 25،493 މީހަކު ފޯމު ހުށަހަޅާފައިވާ ކަމަށް އިލެކްޝަންސް ކޮމިޝަނުން ވިދާޅުވެފައިވާއިރު، އޭގެ ތެރެއިން 10،271 ފަރާތެއް ރީ-ރަޖިސްޓަރ ކޮށްދީފައިވާ ކަމަށެވެ.
މިކަމާއި ގުޅިގެން މުޢިއްޒު ވިދާޅުވީ ދެ ދުވަހެއްގެ ތެރޭގައި މިފަދަ ގިނަ ބަޔަކު ފޯމް ހުށަހަޅުއްވާފާނެކަމަށް ޤަބޫލުނުކުރެއްވޭ ކަަމަށެވެ. އަދި މިކަމުގައި ސުވާލު އުފެދޭތީ އޮބްޒާވަރުންނާއި މޮނިޓަރުންގެ ސަމާލުކަމަށް ގެންނަވާކަމަށެވެ.
ޕީއެންސީ އިން ރައީސް އޮފީސް މެދުވެރިކޮށް ރީ-ރެޖިސްޓްރޭޝަން ފޯމުތަށް ހުށަހަޅަމުންދާ ކަމުގެ ޝަކުވާ ވެސް އުފުލާފައިވެއެވެ.
ޑިމޮކްރެޓުންގެ ފަރާތުން ވެސް އަންނަނީ މިކަންބޮޑުވުންތައް ހުށަހަޅަމުންނެވެ.
