އަމިއްލަގޮތުން ރިޔާސީ އިންތިޚާބުގައި ވާދަކުރައްވާފައިވާ ކެންޑިޑޭޓު ޢުމަރު ނަސީރު, އިންތިޚާބުގެ ދެވަނަ ބުރުގައި ތާޢީދުކުރާނެ ކެންޑިޑޭޓަކާއިމެދު މިރޭ ގޮތެއް ނިންމަވާނެކަމަށް ވިދާޅުވެއްޖެއެވެ.
ޢުމަރު ސޯޝަލްމީޑިއާގައި ޙިއްޞާކުރައްވާފައިވާ މެސެޖެއްގައި ވިދާޅުވީ ރިޔާސީ އިންތިޚާބުގެ ދެވަނަ ބުރާގުޅޭގޮތުން އޭނާއާއި "ނިއު ޑިރެކްޝަން" [އާ މިސްރާބު] ޢުމަރުގެ ޓީމުން ނިންމާ ނިންމާގޮތް ހާމަކުރުން މިރޭ 9:30 ފޭސްބުކާއި ޓިކްޓޮކް މެދުވެރިކޮށް އިޢުލާނުކުރައްވާނެކަމަށެވެ.
ސޯޝަލްމީޑިއާގައިވާ ޢުމަރުގެ މެސެޖް
މި ރިޔާސީ އިންތިޚާބުގެ 2ވަނަ ބުރާގުޅޭ ގޮތުން އަޅުގަނޑާ އަޅުގަނޑުގެ NEW DIRECTION ޓީމުން ނިންމާ ނިންމުން އިޢުލާން ކުރުން ބުރާސްފަތި (21 ސެޕްޓެމްބަރ) ދުވަހުގެރޭ 9:30ގައި ކެމްޕޭން ސްޓޫޑިޔޯ އިން ވަގުތުން. ފޭސްބުކް އަދި ޓިކްޓޮކް ލައިވް.
— Umar Naseer (@UmarNaseerMV) September 20, 2023
ޖުމްލަ 8 ކެންޑިޑޭޓަކު ވާދަކުރި އިންތިޚާބުގެ ފުރަތަމަ ބުރުގައި، މިނިވަން ކެނޑިޑޭޓެއްގެ ގޮތުގައި ވާދަކުރައްވައި، ޢުމަރު ވަނީ 6 ހާހަށްވުރެ ގިނަ ވޯޓު ހޯއްދަވައިގެން އިންތިޚާބުގެ ފުރަތަމަ ބުރުން 4 ވަނަ ހޯއްދަވާފައެވެ.
އިންތިޚާބުގެ ތިންވަނައިގައި އޮތީ ޑިމޮކްރެޓްސް ޕާޓީއެވެ. އެޕާޓީ އިން ނިންމީ ދެވަނަ ބުރުގައި ދެ ކެންޑިޑޭޓުން ކުރެ ކެންޑިޑޭޓަކަށް ތާޢީދުނުކުރުމަށެވެ.
