ތައިލެންޑްގެ ވެރިރަށް ބެންކޮކްގައި ހުންނަ ސިއާމް ޕެރަގަން މޯލްގައި މިއަދު ހިނގި ބަޑި ޖެހުމުގެ ޙާދިސާގައި ތިން މީހަކު މަރުވެފައިވާކަމަށް މީޑިއާ ރިޕޯޓްތައް ބުނެފިއެވެ.
މި ޙާދިސާ ހިނގާފައިވަނީ މިއަދު މެންދުރުފަހުން އެންމެ މީހުން ގިނަވި ގަޑީގައެވެ.
ބައެއް އިތުރު ހަ މީހުންނަށް އަނިޔާ ވެފައިވާއިރު، ބަޑި ޖެހި ފަރާތް ވަނީ ތައިލެންޑް ފުލުހުން ހައްޔަރުކޮށްފައެވެ. މީޑިއާ ރިޕޯޓްތައް ބުނާގޮތުން ބަޑި ހިފައިގެން ޙަމަލާ ދީފައިވަނީ 14 އަހަރުގެ ކުއްޖެކެވެ.
މިއީ ދިވެހި ވިޔަފާރިވެރިންނާއި ޢާއްމު ގިނަ ބަޔަކު ގިނައިން ގޮސް އުޅޭ ސަރަޙައްދެކެވެ.
ސަރުކާރުން ދިވެއްސަކަށް އަނިޔާވިތޯ ބަލަމުން އަންނަކަމަށް ބުނެފައިވި ނަމަވެސް، މިހާތަނަށް އެއްވެސް ދިވެއްސަކަށް އަނިޔާވިކަމުގެ ރިޕޯޓް ލިބިފައިނުވެއެވެ.
ޓެގްސް:
ތައިލޭންޑް
ޓެރަރިޒަމް
