މެމްބަރުންގެ ފެންވަރު ރަނގަޅުކޮށް މަޖިލީސް ކުޑަކުރަންޖެހޭ އުނގޫފާރު ދާއިރާގެ މެމްބަރު މުޙައްމަދު ވަޙީދު (ވައްޑެ) ވިދާޅުވެއްޖެއެވެ.
ރައްޔިތުންގެ މަޖިލީހުގެ އިންތިޚާބު އަންނަ އަހަރުގެ ކުރީކޮޅު އޮންނައިރު، މަޖިލީހަށް މުޅިން އަލަށް 6 ދާއިރާއެއް އިތުރުވެ މެމްބަރުންގެ ޢަދަދު 90 އަށް ވުރެވެސް މަތިވާނެއެވެ.
މަޖިލީހުގެ އިއްޔެ ޖަލްސާގައި ވާހަކަ ދައްކަވަމުން ވައްޑެ ވިދާޅުވީ ކުޑަ ކުޑަ ރަށްރަށުން މަދު ވޯޓުކޮޅެއް ގަނެގެން ނޫނީ ސަރުކާރަށް ވިކިގެން މެމްބަރުން އަންނާނި މެމްބަރުންގެ ފެންވަރު ދަށްވާކަމަށާއި، މެމްބަރުން ތަމްޞީލްކުރަންޖެހެނީ ވަކި ސަރަޙައްދަކަށްވުރެ ބޮޑަށް ރަށާއި އަތޮޅުތައް ކަމަށެވެ.
އިތުރަށް ވިދާޅުވީ މިހާރުވެސް މަޖިލީހަކީ ނިސްބަތުން ދުނިޔޭގެ އެންމެ ބޮޑު އަދި އެންމެ ޚަރަދު ބޮޑު މަޖިލީސް ކަމަށާއި، "ޖަޕާނު މަހެއް ވިހާހެން، މަޖިލީސް ބޮޑުވަމުން ބޮޑުވަމުން" ދިއުން ހުއްޓުވަން ޖެހޭކަމަށެވެ.
މަޖިލީހުގެ ޖަލްސާގައި މުޙައްމަދު ވަޙީދު ވާހަކަފުޅު ދައްކަވަނީ
މެމްބަރުންގެ ފެންވަރު ރަނގަޅު ކުރެވޭނެ ގޮތެއް ހޯދަން ޖެހޭ
— ExpressNews.MV (Maldives) (@ExpressMaldives) October 5, 2023
ޖަޕާނު މަހެއް ވިހާހެން މަޖިލީސް ބޮޑުވަމުން ބޮޑުވަމުން ދަނީ
ނިސްބަތުން ދުނިޔޭގެ އެންމެ ބޮޑު އަދި އެންމެ ޚަރަދު ބޮޑު މަޖިލީސް
ހުޅުލޭ ދާއިރާ އަކަށް ނުވާތީ އެއަރޕޯޓް ހުއްޓިފައި އޮންނަ ވާހަކައެއް ނުދައްކާ - ވައްޑެ pic.twitter.com/h3Qy0n38py
