ފަލަސްޠީނަށް އިޒްރޭލުން ދެމުންގެންދާ އަނިޔާވެރި ޙަމަލާތަކުގައި، ޙާލުގައިޖެހިފައިވާ ފަރާތްތަކަށް އެހީ ފޯރުކޮށްދިނުމަށް، ރާއްޖޭގެ މީޑިއާ މެދުވެރިކޮށް ކުރިއަށް ގެންދާ ޓެލެތޯންގެ ތެރެއިން މިއަދާއި ހަމައަށް 12 މިލިއަނަށް ވުރެ ގިނަ ރުފިޔާ ފަންޑަށް ޖަމާވެފައިވާކަމަށް އިންތިޒާމުކުރާ ފަރާތުން ބުނެފިއެވެ.
މިޙަރަކާތަކީ ދިވެހި ރެޑްކްރެސެންޓްގެ (އެމްއާރުސީ) އިސް ނެންގެވުމެކެވެ. އެ ޖަމްޢިއްޔާ އިން މަޢްލޫމާތު ދެއްވާފައިވާ ގޮތުގައި މިފަންޑަކީ މިމަހުގެ 14 އިން އަށް ގެންދާ ޙަރަކާތެކެވެ.
ހުރިހާ މީޑިއާތަކުން އެއްފަހަރާ ގިނަ ޙަރަކާތްތަކެއް ހިންގާފައިވާއިރު، ހުރިހާ ފައިސާއެއް ވެސް ޖަމާކޮށްފައިވަނީ އެމްއާރުސީގެ ބޭންކު އެކައުންޓްތަކަށެވެ. އެހެންކަމުން ހުރިހާ ފައިސާއެއް ވެސް ޖަމާވެފައިވަނީ އޮންލައިން ޓްރާންސެކްޝަންތަކުގެ ގޮތުގައެވެ.
މިލިޔުމާއި ގުޅޭ
އިތުރަށް އެމްއާރުސީ އިން ބުނެފައިވަނީ، މުއްދަތު ހަމަވުމުން، ޓެލެތޯންގެ ހުރިހާ ފައިސާއެއް ވެސް ބޭންކު މެދުވެރިކޮށް ފަލަސްޠީނުގެ ރެޑްކްސެންޓާއި ޙަވާލުކުރެވިގެންދާނެކަމަށެވެ.
މީގެ ކުރިން ވެސް ދިވެހިން ވަނީ މިފަދަ ގިނަ ޙާދިސާތަކުގައި ބޭރު ޤައުމުތަކުގައި ތިބޭ މުސްލިމުންނަށް އެހީވުމަށް ބޮޑެތި ޢަދަދުތަކުން ފަންޑު ރެއިޒްކޮށްފައެވެ.
