އަންނަ އަހަރަށް ލަފާކުރާ ދައުލަތުގެ ބަޖެޓްގެ ގޮތުގައި، 49.5 ބިލިއަން ރުފިޔާގެ ބަޖެޓެއް، ފިނޭންސް މިނިސްޓަރ އިބްރާހިމް އަމީރު ރައްޔިތުންގެ މަޖިލީހަށް ހުށަހަޅުއްވައިފިއެވެ.
މީގެތެރެިން 34.8 ބިލިއަން ރުފިޔާ ޚަރަދުވަނީ ދައުލަތުގެ މުވައްޒަފުންގެ މުސާރައާއި އޮފީސް ހިންގުމުގެ ޚަރަދުގެ ގޮތުގައެވެ.
ޢާމްދަނީގެ ގޮތުގައި ލިބޭނެކަމަށް ލަފާކޮށްފައިވަނި 33.5 ބިލިއަން ރުފިޔާއެވެ. އެހެންކަމުން އަންނަ އަހަރުގެ ބަޖެޓަކީ 16 ބިލިއަން ރުފިޔާގެ ދަރަނި ބަޖެޓެކެވެ. ބަޖެޓް ފޫ ބެއްދުމަށް 17 ބިލިއަނަށް ވުރެ ގިނަ ރުފިޔާ ލޯނުގެ ގޮތުގައި ނަގަން ޖެހެއެވެ.
އިޤްތިޞޯދު ކުރިއަރާނެކަމަށް ލަފާކޮށްފައިވަނީ 8.7 އިންސައްތައެވެ. އަދި އުފެއްދުންތެރިކަން 5.5 އިންސައްތަ އިތުރުވާނެކަމަށް ވެސް ލަފާކޮށްފައިވެއެވެ.
ފިނޭންސް މިނިސްޓަރު އަމީރު ބަޖެޓު ހުށަހެޅުއްވިއިރު ބައެއް މެމްބަރުން ގެންދެވީ ހަޅުތާލުކުރަމުންނެވެ.
