އިލެކްޝަންސް ކޮމިޝަން (އީސީ) ގެ ރައީސް ފުވާދު ތައުފީގް އިސްތިޢުފާ ނުދެއްވާކަމަށް އިލެކްޝަންސް ކަމިޝަނުން ބުނެފިއެވެ.
އީސީ އިން މިހެން ބުނެފައިވަނީ ފުވާދު ބޭރުގެ އެމްބަސީއެއްގައި ވަޒީފާ ހަމަޖެހިފައިވާތީ، އިސްތިޢުފާ ދެއްވާފައިވާކަމަށް ބުނެ ބައެއް މީޑިއާތަކުން އެވާހަކަ ފަތުރަމުން ދަނިކޮށެވެ.
މިކަމާއި ގުޅިގެން ފުވާދު ވިދާޅުވެފައިވަނީ، ބޭރުގެ އެމްބަސީއެއްގައި މަސައްކަތްކުރުމުގެ ވިސްނުން ގެންގުޅުއްވާކަމަށާއި، ނަމަވެސް، އަދި އެކަމާއިމެދު ގޮތެއް ނިމިފައި ނުވާކަމަށެވެ.
އެހެންކަމުން އަދި އިލެކްޝަންސްގެ ރައީސްކަމުން އިސްތިޢުފާ ނުދެއްވާކަމަށެވެ.