ނައިބްރައީސް ހުސެން މުޙައްމަދު ލަޠީފް, ރަސްމީ ފުރަތަމަ ދަތުރުގައި ޗައިނާއަށް ފުރާވަޑައިގެންފިއެވެ.
ނައިބްރައީސް ޗައިނާއަށް ވަޑައިގަންނަވަނީ، "ޗައިނާ-އިންޑިއަން އޯޝަން ރީޖަން ފޯރަމް އޮން ޑިވެލޮޕްމަންޓް ކޯޕަރޭޝަން" ފޯރަމްގައި ބައިވެރިވެ ވަޑައިގަތުމަށްކަމަށް ރައީސް އޮފީހުން މަޢްލޫމާތު ދެއްވާފައިވެއެވެ.
މި ފޯރަމަކީ ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީ.އައި.ޑީ.ސީ.އޭ.) އިން އިންތިޒާމުކޮށްގެން ބާއްވާ މި ފޯރަމްއެކެވެ. މި ފޯރަމް އޮންނާނި ޑިސެމްބަރު މަހުގެ 7-8 އަށް ޗައިނާގެ ކުންމިން ސިޓީގައެވެ.
އެ މަނިކުފާނުގެ އަރިހުގައި އަރިހުގައި މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުޙައްމަދު ސަޢީދު ބައިވެރިވެވަޑައިގަންނަވައެވެ.
މިދަތުރަށްފަހު އެ މަނިކުފާނު ރާއްޖެ ވަޑައިގަންނަވާނީ ސުވިޒަލެންޑުގެ ޖެނިވާގައި އޮންނަ އިންސާނީ ޙައްޤުތަކާއި ގުޅޭ 75 އަހަރީ ދުވަސް ފާހަކުރުމުގެ މުނާސަބަތުގައި ބައިވެރިވެވަޑައިގަތުމަށްފަހު ޑިސެމްބަރު މަހުގެ 12 ވަނަ ދުވަހުއެވެ.
