އިންތިޚާބަށް ވާކުރުމަށް ނަން ހުށަހެޅުމުގެ ވަޤުތު ހަމަވިއިރު، ހުސްވެފައިވާ މާލޭގެ މޭޔަރުކަމުގެ ގޮނޑިއަށް 3 ޕާޓީއަކުންނާއި އަދި އަމިއްލަ 2 ކެންޑިޑޭޓުން ނަންހުށަހަޅުއްވައިފިކަމަށް އިލެކްޝަންސް ކަމިޝަނުން ވިދާޅުވެއްޖެއެވެ.
ނަން ހުށަހެޅުމުގެ ފުރުޞަތު ބަންދުވެފައިވަނީ އިއްޔެ މެންދުރު 2 ޖެހިއިރުއެވެ.
މިއީ، ރިޔާސީ އިންތިޚާބު ރައީސް ޑރ. މުޙައްމަދު މުޢިއްޒު ކާމިޔާބުކުރެއްވުމާއި ގުޅިގެން ބާއްވާ ބައި އިލެކްޝަނެކެވެ.
މިއިންތިޚާބުގައި ވާދަކުރުމަށް ނަން ހުށަހަޅުއްވާފައިވާ ފަރާތްތައް:
- އާޒިމާ ޝުކޫރު (ޕީއެންސީ)
- އާދަމް އާޒިމް (އެމްޑީޕީ)
- ސައިފް ފާތިޙް (ޑިމޮކްރެޓްސް)
- ކުރީގެ ޕޮލިސް ކަމިޝަނަރު ހުސެން ވަޙީދު (އގ)
- ކުރިން އެމްޑީޕީ އަދި އެމްޑީއޭގައި އުޅުއްވި ފުރަހަނި ޝޫޢައިބު (އގ)
އިލެކްޝަންސް ކޮމިޝަނުންވަނީ މި ހުރިހާ ބޭފުޅުންގެ ފޯމުތައް ވެސް ބަލައިގަނެ ކެންޑިޑެސީ ކަށަވަރުކޮށްދެއްވާފައެވެ.
ޓެގްސް:
މާލެ ސިޓީކައުންސިލް
