މިއާންޒް އިންޓަރނޭޝަނަލް ކޮލެޖުގެ ޖަނުއަރީގައި ކިޔަވަން ފެށުމަށް ކޯސްތަކަށް ކުރިމަތިލުމަށް އޮންނަ މުއްދަތު 15 ޖެނުއަރީ 2024 އާއި ހަމައަށް އިތުރުކޮށްފިއެވެ. އެމް.އައި ކޮލެޖުގެ އައްޑޫ ސިޓީ ކެމްޕަސްގައި ކިޔެވުމަށްވެސް އެދުވަހާއި ހަމައަށް ކުރިމަތިލެވޭނެއެވެ.
އައްޑޫ ސިޓީ އެމް.އައި ކޮލެޖު ކެމްޕަސްގައި މިފަހަރު 70 އަށްވުރެ ގިނަ ކޯހަކަށް ކުރިމަތުލުމުގެ ފުރުޞަތު ހުޅުވާލައިއެވެ.
ކުރިމަތިލުމުގެ މުއްދަތު އިތުރުކޮށްފައިވާއިރު، ކުދިން ހަމަވެގެން މިފަހަރު ގދ.ތިނަދޫ ކެމްޕަސްގައި ފެށުމަށް އެކަށީގެންވާ ކޯސްތަކުގެ ތެރޭގައި ފާހަގަކޮށްލެވެ ބައެއް ކޯސްތައް:
· ކުޑަކުދިންނަށް ހާއްސަ ރޮބޮޓިކްސް ސްޓޭޖް 1
· ސެޓްފިކެޓް ލެވެލް 3 އިން ރޮބޮޓިކްސް
· ސެޓްފިކެޓް ލެވެލް 3 އިން އިންފޯރމޭޝަން ޓެކްނޮލޮޖީ
· ބެޗެލަރ އޮފް ބިޒްނަސް އެޑްމިނިސްޓްރޭޝަން
· މާސްޓަރ އޮފް ބިޒްނަސް އެޑްމިނިސްޓްރޭޝަން
ދިވެހިރާއްޖޭގެ އެކި ސަރަހައްދުތަކުގައި 13 ކެމްޕަހެއްގައި އަދި އޮންލައިންކޮށް ކިޔުވުމުގެ ފުރުޞަތު އެމް.އައި ކޮލެޖުން ހުޅުވާލާފައިވާއިރު، މިހާރުވެސް އެކޮލެޖުގައި 2000 އަށް ވުރެ ގިނަ ދަރިވަރުން ކިޔަވަމުންދެއެވެ. އަދި މީގެ ތެރެއިން 200 ކުދިން ކިޔަވަމުން ދަނީ އައްޑޫ ސިޓީގައެވެ.
ކޮލެޖުގެ ކޯސްތަކަށް ކުރިމަތުލުމަށް ކޮލެޖުގެ ވެބްސައިޓުން އޮންލައިންކޮށް ފޯރމު ފުރާލެވޭނެކަމަށް އެކޮލެޖުން މަޢްލޫމާތު ދެއްވައެވެ.
