ރާއްޖޭގެ އެކި ކަންކޮޅުތަކަށް މިވަޤުތު ކުރަމުންދާ ވިއްސާރައިގައި މިއަދު ވެސް ދެކުނުގެ އަތޮޅުތަކަށް މޫސުމް ވަރަށް ބޮޑަށް ގޯސްވާނެކަމަށް މޫސުމާއި ބެހޭ އިދާރާއިން ލަފާކޮށްފިއެވެ.
އެ އިދާރާއިން ބުނެފައިވަނީ މ. އަތޮޅުން ފެށިގެން އައްޑޫސިޓީ އާއި ހަމައަށް ގުގުރުމާއިއެކު މިއަދުގެ ވަޤުތުތަކުގައި ވިއްސާރަކުރާނެކަމަށެވެ. މޫސުމް ބޮޑަށް ގޯސްވާނެކަމަށް ލަފާކޮށްފައިވަނީ ހެނދުނު 9.30 އިން ފެށިގެން ހަވީރު 3.30 އަށެވެ.
މޫސުމް ގޯސްވުމުގެ ސަބަބުން އައްޑޫސިޓީގައި އިއްޔެ ހަވީރު ބޭއްވުމަށް ރޭވުނު އިންޓަރސްކޫލް އެތްލެޓިކްސް މީޓް ހުޅުވުމުގެ ރަސްމިއްޔާތު ވެސް ވަނީ ކެންސަލްކޮށްފައެވެ. މި މުބާރާތައް އައްޑޫސިޓީ ކައުންސިލުންނާއި އައްޑޫގެ މުވައްސަސާތަކުން ވަނީ ވަރަށް ބޮޑަށް ތައްޔާރުވެފައެވެ.
އައްޑޫސިޓީ ކައުންސިލުން ބުނެފައިވަނީ، މޫސުމް ތަންދޭނަމަ މިއަދު މުބާރާތް ހުޅުވުމުގެ ރަސްމިއްޔާތު ބާއްވާނެކަމަށެވެ.