ކުރިއަށް އޮތް ރައްޔިތުންގެ މަޖިލީހުގައި 93 ދާއިރާއަކަށް ވާދަކުރުމަށް އިލެކްޝަންސް ކަމިޝަން (އީސީ) އިްނ ހުށަހަޅާލި ފުރުޞަތުގައި 381 ފަރާތަކުން ނަން ހުށަހަޅައިފިއެވެ.
މީގެ ތެރެެއިން އެންމެ ގިނަ މީހުން ކުރިމަތި ލާފައިވަނީ ސަރުކާރު ހިންގާ ޕީޕީއެމް/ޕީއެންސީ ކޯލީޝަނުގައެވެ. އެ ކޯލީޝަނުން ޖުމްލަ 90 ދާއިރާއަކަށް މެމްބަރުން ތަމްސީލުކުރުމަށް ނިންމާފައިވާއިރު، އިދިކޮޅު އެމްޑީޕީ އިން ނިކުންނަނީ 89 ދާއިރާއަކަށެވެ.
ކޮމިޝަނުން ކަނޑައަޅާފައިވާ އުސޫލުގެ ދަށުން އިންތިޚާބުގައި ވާދަކުރަން އެދި ފޯމު ހުށަހެޅުމުން އެ ފޯމު ބަލައިގަތުމާއި ގުޅޭގޮތުން އިލެކްޝަންސްއިން ގޮތެއް ނިންމައި 48 ގަޑިއިރު ތެރޭގައި އެ ފަރާތްތަކަށް އަންގަން ޖެހެއެވެ.
އީސީ އިން ނިންމާފައިވަނީ ކެންޑިޑޭޓުންގެ ގުރުނެގުން އަންނަ ހުކުރު ދުވަހު މެންދުރުފަހު ބޭއްވުމަށް ނިންމާފައެވެ. އޭގެ ކުރިން ކެންޑިޑޭޓުންނަށް ނަން އަނބުރާ ގެންދިއުމުގެ ފުރުޞަތު ލިބޭނެއެވެ.
މަޖިލިސް އިންތިޚާބު ބޭއްވުމަށް އިލެކްޝަންސްއިން ނިންމަވާފައިވަނީ މާޗު 17ގައެވެ.