ދިވެހި ދައުލަތުގެ މާލިއްޔާ ހަރުދަނާކުރެވޭނީ މޯލްޑިވިއަން ޑިމޮކްރެޓިކް ޕާޓީ (އެމް.ޑީ.ޕީ) ގެ ދޯހަޅި އިޤްތިޞާދީ ސިޔާސަތަށް ނޫނެކޭ ބުނެގެންކަމަށް ސަރުކާރު ހިންގާ ކޯލީޝަނުން ބުނެފިއެވެ.
ސަރުކާރު ކޯލީޝަންގެ ފަރާތުން ވާހަކަދައްކަވަމުން ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ސެނެޓަރ މުޙައްމަދު ލަމްޢާން ވިދާޅުވީ މި ސަރުކާރުން ވެރިކަމާއި ޙަވާލުވިއިރު ސޮވެރެން ޑިވެލޮޕްމެންޓް ފަންޑުގައި ހުރީ އެންމެ 2 މިލިއަން ޑޮލަރުކަމަށެވެ.
ސޮވެރެން ފަންޑަކީ ދައުލަތުގެ ދަރަނިތައް ދެއްކުމަށް ޑޮލަރުން ފައިސާ ރައްކާކުރުމަށް އުފައްދާފައިވާ ފަންޑެކެވެ.
ލަމްޢާން ވިދާޅުވީ ކުރިން 2 މިލިއަން ޑޮލަރު ހުރި ފަންޑު މިހާރު ހުރީ 35 މިލިއަން ޑޮލަރުގައިކަމަށެވެ.
އަދުގެ ރައީސް ޑރ މުޢިއްޒުގެ މާލީ ސިޔާސަތު ހަރުދަނާވާނެ. މުސްތަޤުބަލައް ވިސްނައި، ދިވެހީންގެ ރާއްޖެ މަޖިލީހަށް ހޮވަންވީ ޕީ.ޕީ.އެމް/ޕީ.އެން.ސީގެ ކެންޑިޑޭޓުން.
~ މުޙައްމަދު ލަމްޢާން
ރައީސް ޑރ. މުޙައްމަދު މުޢިއްޒު ވެރިކަމާއި ޙަވާލުވެވަޑައިގެންނެވިއިރު ސަރުކާރުގެ ދަރަނިތައް ވަނީ ވަރަށް ބޮޑުތަން އިތުރުވެފައެވެ.
ރައީސް ސޯލިޙްގެ ސަރުކާރުގައި ކޮވިޑްގެ ބަލިމަޑުކަމާއިއެކު ގިނަ ޢަދަދެއްގެ ފައިސާ އައީ ޗާޕް ވެސް ކުރަމުންނެވެ. ނަމަވެސް، ރައީސް މުޢިއްޒު ވަނީ ފައިސާ ޗާޕްކުރުން ވެސް ހުއްޓާލާފައެވެ.
"ޤައުމު ހިންގާނީ ފައިސާ ޗާޕުނުކޮށް، އެކަން ޙަޖަމް ނުވަންޏާ ނުވާންވީ" - ރައީސް މުޢިއްޒު ހުޅުމާލޭގައި ދިރިއުޅޭ ފަރާތްތަކާއި ބައްދަލުކުރެއްވި ބޭއްބި ބައްދަލުވުމުގައި ވިދާޅުވެފައިވެއެވެ.
އިކޮނޮމިކް މިނިސްޓަރ މުހައްމަދު ސަޢީދު ވެސް ވަނީ ރާއްޖޭގެ އިޤްތިޞޯދީ ޙާލަތު ރަނގަޅުވަމުން އަންނަ ކަމަށާއި، ޑޮލަރުގެ މައްސަލަށް އަށް ވެސް ބޮޑު ކުރިއެރުމެއް ހޯދިފައިވާކަމަށް ވިދާޅުވެފައެވެ.