އިންޑިއާގެ އަވަށެއްގެ ގޮތުގައި އޮންނަ އަންދަމަން ޖަޒީރާ ސަރަޙައްދަށް އައި ބިންހެލުމުގެ އަސަރު ރާއްޖެއަކަށް ނުކުރާކަމަށް މެޓް އޮފީހުން ބުނެފިއެވެ.
އަންދަމަން ޖަޒީރާ އޮންނަނީ ރާއްޖެއާއި 2240 ކިލޯ މީޓަރު ދުރުގައެވެ. އެންމެ ގާތުން އޮންނަނީ މިޔަންމާ ނޫނީ ބަރުމާއެވެ. އެއީ 700 ކިލޯ މީޓަރެވެ. ތައިލެންޑްގެ ވެރިރަށް ބެންކޮކާއި 900 ކިލޯ މީޓަރެވެ.
ރޭ ފަތިހު 4.01 ގައި އައި މި ބިންހެލުން އައިސްފައިވަނީ 5.1 މެގްނިޓިއުޑްގައެވެ.
ބިންހެލުން އައިސްފައިވަނީ ކަނޑުގެ ލޮނުގަނޑުން ފެށިގެން އެންމެ 54 ލިކޯމީޓަރު އަޑިއަށެވެ. އެހެންކަމުން ކައިރި ސަރަޙައްދުތަކަށް ބިންހެލުން ބޮޑަށް އިޙްސާސްކުރެވިފައިވެއެވެ. ބިންހެލުން އައިސްގެން އިހްސާސްކުރެވުނުކަމަށް ރިޕޯޓްކޮށްފައިވަނީ އެންމެ 24 ފަރާތަކުންނެވެ. އެއީ 40 ކިލޯމީޓަރުގެ ރޭޑިއަސް އެއްގެ ތެރެއިންނެވެ.
އެއްވެސް މީހަކަށް އަނިޔާވިކަމުގެ ރިޕޯޓް ލިބިފައިނުވެއެވެ.
