ދުނިޔޭގެ ބާޒާރުގައި ހަލުވި ދުވެއްޔެއްގައި ތެލުގެ އަގު މިދަނީ ބޮޑުވަމުންނެވެ. މިއާއެކު ރާއްޖޭގައި ތެކުގެ އަގުވެސް މިވަނީ ބޮޑުވެފައެވެ.
ރާއްޖެއަށް ތެޔޮ އެތެރެކޮށް ވިއްކާ ސްޓޭޓް ޓްރޭޑިންގ އޯގަނައިޒޭޝަން(އެސްޓީއޯ) އިން މައުލޫމާތު ދެއްވާ ގޮތުގައި ތެލުގެ އުފުލިފައިވީނަމަވެސް ރައްޔިތުންނަށް ލިބޭނެ ގެއްލުން ކުޑަކުރުމުގެ ގޮތުން އެފްއެސްއެމްގެ ފިއުލް ޝެޑްތަކުން މަސްވެރިންނަށާއި، ރަށްރަށުގެ ތެޔޮ ވިއްކާ ފަރާތްތަކަށް ތެޔޮ ވިއްކަމުންދަނީ ސަބްސިޑައިޒްޑް އަގެއްގައެވެ. އެހެންނަމަވެސް ރިސޯޓްތަކަށް ތެޔޮ ވިއްކަމުންދަނީ ހަމަ އަގުގައިކަމަށް އެ ކުންފުނިން ހާމަކުރެއެވެ.
ކަންމިހެން އޮތްއިރު ބައެއް ފަރާތްތަކުން ރައްޔިތުންނަށް ވިއްކާ ތެޔޮ ގަނެގެން ރިސޯޓްތަކަށް ވިއްކަން މަސައްކަތްކުރާކަން މަސައްކަތް ކުރަމުން އަންނަކަން ފާހަގަ ކުރެވޭކަމަށް އެ ކުންފުނިން ބުނެއެވެ. މިއާއެކު ރައްޔިތުންނަށް އަގުހެޔޮކޮށް ތެޔޮ ފޯރުކޮށްދިނުން ކަށަވަރު ކުރުމަށް ރަށްރަށުގައި ތެޔޮ ވިއްކާ ފަރާތްތަކުން އެވްރެޖްކޮށް ނަގަމުން އަންނަ އަދަދުގެ އިތުރުން ތެޔޮ ދޫނުކުރުމަށް އެސްޓީއޯއިން މިވަނީ ނިންމައިފައެވެ. މިއީ ނަހަމަ ގޮތުގައި ތެލުގެ ވިޔަފާރިކުރުން ހުއްޓުވުމަށް އެޅި ފިޔަވަޅެކެވެ.
