އައްޑޫ ސިޓީ ހިތަދޫގައި ހުންނަ އައްޑޫ އެކުއެޓޯރިއަލް ހޮސްޕިޓަލް (އޭއީއެޗް) ގައި އާސަންދައިގެ ޚިދުމަތް ދިނުމަށް ޚާއްސަކުރެވިގެން ޑެސްކެއް ބަހައްޓައިފިއެެވެ.
މިކަން އިޢްލާން ކުރައްވާފައިވަނީ ރައީސް އޮފީހުން ބޭއްވި ނޫސްވެރިންގެ ބައްދަލުވުމެއްގައެވެ. ނޫސްވެރިންގެ ބައްދަލުވުމުގައި، ރައީސް އޮފީހުގެ ފަރާތުން ތަރުޖަމާނު މިއުވާން މުޙައްމަދު ވިދާޅުވީ އާސަންދަ ޑެސްކެއް އައްޑޫ ސިޓީ އޭއީއެޗްގެ އިތުރުން، ފުވައްމުލަށް، އަދި ހދ. އަތޮޅު ހޮސްޕިޓަލުގައި ވެސް ޤާއިމުކޮށްފައިވާކަމަށެވެ.
މިއުވާން އިތުރަށް ވިދާޅުވީ ރައީސަށް ވަރަށް ގިނައިން އަންނަ ޝަކުވާއަކަށްވެފައި، މިއީ ރައީސްގެ އިސްނެންގުވުމުގެ މަތިން ހައްލު ހޯއްދަވައިދެއްވި ސަރުކާރުގެ ވަޢުދެއްކަމަށެވެ. އަދި މިފަދަ ލާމަރުކަޒީ ޚިދުމަތްތަކުގެ ސަބަބުން ރައްޔިތުންނަށް ގާތުން ޚިދުމަތް ލިބުމުގައި އިތުރު ފަސޭހަތަކެއް ލިބިގެންދާނެކަމަށް ޤަބޫލުކުރައްވާކަމަށެވެ.
