ހިތަދޫ ޕޯޓްލިމިޓެޑް, ނުވަތަ އައްޑޫސިޓީގައި ހުންނަ ސަރަޙައްދީ ބަނދަރަށް ބާލާ މުދާ، ކަސްޓަމް ކްލިއަރެންސް ހެދުމަށްފަހު ރައްކާކޮށްފައި ބެހެއްޓޭ އުސޫލަށް ބަދަލުތަކެއް ގެނެސްފިއެވެ.
އެކުންފުނިން މަޢްލޫމާތު ދެއްވާފައިވާގޮތުގައި، އަލަށް ޢަމަލުކުރަންފަށާ އުސޫލާއިއެކު، އާދީއްތަ ދުވަހުން ފެށިގެން ޔާޑްގައި ބަހައްޓާ ވެހިކަލްތަކަށް 15 ދުވަސް ދެވޭނެއެވެ. އަދި ވެއަރހައުސްގައި ބަހައްޓާ ވެހިކަލްތަކަށް 10 ދުވަސް ދެވޭނެއެވެ.
ނަމަވެސް އެހެނިހެން މުދަލުގެ ފްރީ ސްޓޯރޭޖް މުއްދަތު ގުނާނީ އެމްޕީ.އެލް ޓެރިފް އާ އެއްގޮތަށް ކަމަށް ވެސް ބުނެފައިވެއެވެ.
އެޗްޕީއެލްއިން އިތުރަށް ބުނެފައިވަނީ، އައްޑޫ ސިޓީއަށް ގިނަ ޢަދަދެއްގެ ވެލްކަލް އެތެރެވާކަމަށާއި، ބޭނުމަކީ ވެހިކަލްތައް އެތެރެކުރާ ފަރާތްތައްކަށް އިތުރު ލުއިފަސޭހަތަކެއް ހޯދައިދިނުން ކަމަށެވެ. އަދި މިހާރު މިގެނައި ބަދަލާއިއެކު، ބަންދު ދުވަސްތަކާއިއެކު، ގާތްގަނޑަކަށް 18 ވަރަކަށް ދުވަސް ލިބިގެންދާނެކަމަށެވެ.