އައްޑޫސިޓީ، ފެނުގެ ނިޒާމް އަޕްގްރޭޑް ކުރުމުގެ އެއްބަސްވުމުގައި ސޮއިކޮށްފިއެވެ.
ހައުސިންގ މިނިސްޓްރީ އާއި މޯލްޑިވްސް ވޯޓަރ އެންޑް ސުވަރޭޖް ކުންފުންޏާއި އެކު ވެވުނު މި އެއްބަސްވުމުގައި ސޮއިކޮށްފައިވަނީ އިއްޔެ ހަވީރު އައްޑޫ ހައިސްކޫލްގައި ބޭއްވުނު ޚާއްސަ ރަސްމިޔާތެއްގައެވެ.
މިމަސައްކަތުގެ ދަށުން އައްޑޫގެ ހުރިހާ ރަށެއްގައި ފެނުގެ ނިޒާމް އަޕްގްރޭޑް ކުރުމުގެ މަސައްކަތް ކުރިއަށްދާނެއެވެ.
ޖުމްލަ 282 މިލިއަން ރުފިޔާ ޚަރަދުވާނެކަމަށް ބެލެވޭ މިމަޝްރޫއު އާއިއެކު އާ އާރުއޯ ޕްލާންޓަކާއި ފެން ރައްކާކުރާ އިތުރު ތާނގީތަކާއި ސޯލާ ޕެނެލްތައް ހަރުކުރެވޭނެކަމަށް މިނިސްޓްރީ އިން މަޢްލޫމާތު ދެއްވައެވެ.
މަސައްކަތް އެއް އަހަރުތެރޭ ފުރުހަމަކޮށް ނިންމަން ޖެހެއެވެ.