ޖޮއިންޓް ޕޮޒިޓިވް ޕޭރެންޓިންގ ޕްރޮގްރާމް (ޖޭޕީޕީޕީ) އިފްތިާޙް ކުރުމުގެ ރަސްމިއްޔާތުގައި ބެލެނިވެރިންނާއި މުޚާޠަބްކުރައްވައި އެޑިއުޝަން މިނިސްޓަރު ޑރ. އައިޝަތު ޢަލީ ޝިހާމް ވިދާޅުވީ، އެކަމަނާގެ އަމިއްލަ ދަރިއަކު ނެތްކަމަށެވެ. ނަމަވެސް ދިވެހިރާއްޖޭގައި ކިޔަވަމުންދާ ނުވަދިހަ ފަސް ހާސް ދަރިވަރުންނަކީ އެކަމަނާގެ ވެސް ދަރިންކަމުގައެވެ.
ޗައިލް ޑެވެލޮޕްމެންޓް ސެންޓަރ (ސީޑީސީ) ގައި ބުދަ ދުވަހު ކުރިއަށް ގެންދިޔަ މިޕްރޮގްރާމް ޝަރަފްވެރިކޮށްދެއްވާފައި ވަނީ ރައީސް އިބްރާހިމް މުހައްމަދު ސޯލިހް އާއި ފަސްޓްލޭޑީ ފަޒްނާ އަހުމަދު އެވެ.
މިޕްރޮގްރާމްގައި ބައެއް ބެލެނިވެރިންގެ އިތުރުން ސަރުކަރުގެ ބައެއް ބޭފުޅުންނާއި، ޔުނިސެފްގެ ބޭފުޅުން ބައިވެރިވެ ވަޑައިގެންނެވިއެވެ.
އެޑިއުކޭޝަން މިނިސްޓްރީ އާއި ޔުނިސެފް ގުޅިގެން 5 އަހަރު ދުވަހު މުއްދަތަކަށް ކުރިއަށްގެންދާ ޕްރޮގްރާމްގެ މައިގަނޑު މަޤްޞަދަކީ ބެލެނިވެރިން ރަނގަޅު ބިނާކުރަނިވި ވިސްނުންތަކާއި އެކު ބާރުވެރިކުރުވުމާއި، ދަރިން ބޮޑެތިވުމުގައި ހެޔޮގޮތުގައި އެމީހުންނަށް ދެވެންއޮތް އެންމެ މައްޗަކަށް ދިއުމަށް އެހީތެރިވެދިނުން ކަމަށް ވެސް މިނިސްޓަރު ވިދާޅުވިއެވެ.
މިޕްގްރާމް ތެރެއިން 21 ވަނަ ގަރުނުގައި ދަރިންތަރުބިއްޔަތު ކުރުމުގައި ދިމާވާ ދަތިތަކަށް ބަލައިލެވޭނެއެވެ.