ދެމެހެއްޓެނިވި ތަރައްގީއަށް މަސައްކަތްކުރުމުގެ ގޮތުން ޖެފް ފަންޑު ޚަރަދުކޮށްގެން ހިންގާ ނުރައްކާތެރި ކެމިކަލް މަދުކުރުމުގެ ޕްރެޖެކްޓެއްގައި ސޮއިކޮށްފިއެވެ.
މިޕްރޮޖެކްޓްގައި ސޮއިކުރުން އޮތީ ދުނިޔޭގެ ތިމާވެށީގެ ދުވަސް ފާހަގަ ކުރުމުގެ ގޮތުން ގައުމީފެންވަރުގައި ފުވައްމުލައް ސިޓީގައ ކުރިއަށް ގެންދާ ޙަރަކާތްތަކުގެ ތެރެއިންނެވެ.
މިއެއްބަސްވުމުގައި ރާއްޖޭގެ ފަރާތުން ސޮއިކުރެއްވީ އެންވައިރޮންމެންޓް މިނިސްޓަރ އާމިނަތު ޝައުނާއެވެ. އަދި ޔޫއެންޑީޕީގެ ފަރާތުން ސޮއިކުރެއްވީ ރެސިޑެންޓް ރެޕްރެސެންޓެޓިވްއެވެ.
މިރަސްމިއްޔާތު އޮތީ ޙާފިޒް އަހުމަދު ސްކޫލްގެ ހޯލުގައެވެ.
މިހަރަކާތްތަކުގައި ބައިވުމުގެ ގޮތުން ނައިބްރައީސް ފައިސަލް ނަސީމް ވެސް ވަޑައިގެންވީ ފުވައްމުލަކުގައެވެ.
މިރަސްމިއްޔާތުގެ ތެރެއިން ވާހަކަ ލިޔުމުން ވަނަހޯދި ކުދިންނަށް ސެޓްފިކެޓް ދީފައިވެއެވެ.
ޢާއްމު ސިއްޙަތަށްޓަކައިވެސް ޕްލާސްޓިކާއި ކެމިކަލް ހިމެނޭ ބާވަތްތައް މަދުކުރަންޖެހޭ. އަދި އިސްރާފްކުރުން ހުއްޓާލަން ޖެހޭ. ދަރިންދެކެ ލޯބިވާފަދައިން ތިމާވެށިދެކެ ވެސް ލޯބިވާންޖެހޭ.
~ ފައިސަލް ނަސީމް، ނައިބްރައީސް