ސައިފް އަލީ ޙާން އާއި އޭނާގެ 5 އަހަރުގެ ދަރިފުޅު ތައިމޫރު ވަނީ ރާއްޖެއަށް ޗުއްޓީ ހޭދަކުރުމަށް އައިސްފައެވެ. ނަމަވެސް ކަރީނާއައި ހަގު ދަރިފުޅު މިދަތުރުގައި ބައިވެރިވެފައި ނުވެއެވެ.
ރާއްޖެއަށް މިކުރި ދަތުރަކީ ވަރަށް ކުއްލި ދަތުރެކެވެ. ކަޕޫރް އާއިލާ ކުލަގަދަކޮށް ދިވާލީ ފާހަގަކުރުމަށް ފަހު ކަރީނާ އަވަސް ގޮތަކަށް ފޮޓޯ ޝޫޓެއްގައި ލަންޑަނަށް ކުޑަ ދަރިފުޅު ޖަހަންގީރް ގޮވައިގެން ލަންޑަނަށް ދަތުރުކުރިއެވެ. އަދި ސަައިފް މިފުރުސަތުގެ ބޭނުން ހިފައި ތައިމޫރު ގޮވައިގެން ރާއްޖޭގައި ހިތް ފަސޭހަ ދުވަސްކޮޅެއް ހޭދަކޮށްލަން އައީއެވެ.
މިދަތުރުގެ ފޮޓޯތަކުން ބައްޕައައި ދަރިފުޅު އެކި ތަފާތުކަންކަން ކުރަން ތިބޭތަން ފެނިގެން ދެއެެވެ. ފެތުމާއި، ހުންނަތަނުގެ ޝެފްއައި އެކު ޕިއްޒާ ހަދާތަންވެސް މިފޮޓޯ ތަކުން ފެނިގެންދެއެވެ.
އާއިލާއައި ގާތް މަސްދަރަކުން ސޯޝަލްމީޑިއާގައި ބުނެފައިވާ ގޮތުގައި ސައިފް އެމީހުންގެ ޗުއްޓީއައި ބެހޭގޮތުން މާ ބޮޑު ވާހަކައެއް ދައްކާފައެއް ނުވެއެވެ. އަދި ސައިފް އަކީ ސޯޝަލް މީޑިއާއައި ގާތް މީހަކު ނޫން ކަމަށްވެސް ބުނެފައިވެއެވެ.
