ޔޫކްރޭން ސަލާމަތީ ފައުޖު ނޭޓޯ މެމްބަރަކަށް ހެދުމުގައި ލަސްވާތީ އެއީ މުޑުދާރު ބަލައިނުގަނެވޭ ކަމެއްގެ ގޮތުގައި ޔޫކްރޭންގެ ރައީސް ވުލާޑިމީރު ޒެލެންސްކީ ސިފަކުރައްވައިފިއެވެ.
ޒިލެންސްކީ މިމޭރުމުން ވާހަކަފުޅު ދައްކަވާފައިވަނީ ނޭޓޯގެ އަހަރީ ބައްދަލުވުމުގައި ބައިވެރިވެވަޑައިގެން ވާހަކަފުޅު ދައްކަވަމުން ނެވެ.
އޭނާ ވިދާޅުވާ ގޮތުގައި ޔޫކްރޭންގެ މެމްބަރުކަމުގެ މުއްދަތެއް ނެތުމަކީ "ކުރިން ނުފެންނަ އަދި މުޑުދާރު ކަމެއް" ކަމަށެވެ.
"ޔަގީންކަން ނެތުމަކީ ބަލިކަށިކަން، އަދި ސަމިޓުގައި މިކަމާ މެދު ފާޅުގައި މަޝްވަރާ ކުރާނަން" އޭނާ އިތުރަށް ވިދާޅުވިއެވެ.
ޒެލެންސްކީ މިހެން ވިދާޅުވެފައިވާއިރު، މީގެ ކުރިން ނޭޓޯގެ ވެރިޔާ ޖެންސް ސްޓޮލްޓެންބާގް ވަނީ ޔޫކްރޭނަށް މެމްބަރުކަމާ ގުޅޭ ގޮތުން "ސާފު މެސެޖެއް، ހެޔޮ މެސެޖެއް" ލިބޭނެ ކަމަށް ވިދާޅުވެފަ އެވެ.
މެމްބަޝިޕް ހާސިލް ކުރަން ދިހަވަރަކަށް އަހަރު ނަގާފާނެ ނަމަވެސް ޔޫކްރޭނުން ބޭނުންވަނީ އަވަސް ޓައިމްލައިނެކެވެ.
ނޭޓޯ އަށް ވަންނަން ޔޫކްރޭނުން ބޭނުންވަނީ އެ ޖަމާޢަތުގެ ސަލާމަތާއި ޙިމާޔަތް ހޯދުމުގެ މަޤްޞަދުގައެވެ. ނޭޓޯގެ މެމްބަރު ޤައުމަކަށް ޔޫކްރޭން ވެއްޖެނަމަ، ރަޝިއާއިން އެޤައުމަށް ދެމުންގެންދާ ހަމަލާތަކުގެ ތެރެއަށް އެކުވެރި މެމްބަރު ޤައުމުތަކުން ވަދެ ދިފާޢުކުރުން ލާޒިމުވާނެއެވެ.
