މޫސުން ތަން ނުދިނުމާއިއެކު ސްކޫލްތަކުގެ އެތްލެޓިކްސް މުބާރާތް ހުޅުވުމުގެ ރަސްމިއްޔާތު ފަސްކޮށްފިއެވެ.
ދެކުނުގެ އަތޮޅުތަކަށް ކުރާ ވިއްސާރައިގައި، އައްޑޫސިޓީއަށް ވެސް އަންނަނީ ބޯ ވިއްސާރަ ކުރަމުންނެވެ.
މޫސުމް ގޯސްވުމާއި ގުޅިގެން މެޓް އޮފީހުން ވެސް ވަނީ ދެކުނުގެ ބައެއް ސަރަޙައްދުތަކަށް ހުދު ސަމާލު ނެރެފައެވެ.
އައްޑޫ ސިޓީ ކައުންސިލުން ބުނެފައިވަނީ މޫސުމް ތަން ދިނުމުން މި ޙަރަކާތާއި ގުޅޭ އިތުރު މަޢްލޫމާތު ފޯރުކޮށްދެއްވާނެ ކަމަށެވެ.
އައްޑޫސިޓީ ކައުންސިލުން ވަނީ މިމުބާރާތަށް ވަރަށް ބޮޑަށް ތައްޔާރުވެފައެވެ. އަދި މުބާރާތުގެ އެތްލީޓުންނަށް މަރުޙަބާކިޔުމުގެ ޚާއްޞަ ޙަރަކާތްތަކެއް ބާއްވާފައެވެ.
ޖުމްލަ 2،000 އަށްވުރެ ގިނަ އެތްލީޓުން ރާއްޖޭގެ އެކި ކަންކޮޅުތަކުން ބައިވެރިވާ މިމުބާރާތަކީ 2017 ގެ ފަހުން އައްޑޫގައި ބޭއްވޭ މިފަދަ ފުރަތަމަ މުބާރާތެވެ.
މިލިޔުމާއި ގުޅޭ:
